БХБ-ын сайд Монголын барилгачдын холбооны удирдлагуудтай уулзлаа

БХБ-ын сайд Монголын барилгачдын холбооны удирдлагуудтай уулзлаа

     Барилга, хот байгуулалтын сайд Г.Мөнхбаяр өнөөдөр Монголын барилагчдын холбооны ерөнхийлөгч М.Батбаатар болон бусад төлөөллийг хүлээн авч уулзлаа. Байгуулагдаад 26 дахь жилтэйгээ золгож буй тус байгууллага нь Монголын үе үеийн олон арван барилгачдыг эгнээндээ нэгтэж, мэргэжил нэгтнүүдийнхээ дуу хоолой болж ажилладгийн хувьд үзэл бодол, байр суурь, санал санаачилгынхаа талаар дуу хоолойгоо хүргэхээр ийнхүү салбарын сайдаа зорин ирсэн аж.

     Юун түрүүнд улс орынхоо бүтээн байгуулалтын хөгжил дэвшлийн түүхийг бичилцэж, салбартаа өөрийн хувь нэмрийг оруулсаар ирсний хувьд Монгол улсад Барилгын салбар үүсч хөгжсөний түүхт 90 жилийн ойн баярыг тэмдэглэх ажлыг чухалчилж, анхаарал хандуулах нь зүйтэй гэсэн саналыг дэвшүүлсэн юм.

     Түүнчлэн Монголын барилагчдын холбоо нь тун удахгүй салбарынхаа 6-р Их хурлыг хийхээр төлөвлөж буйгаа мэдэгдээд, шинээр томилогдсон сайддаа амжилт хүсч, байгууллагынхаа өмнөөс 14 саналыг тавьсан байна. Харин БХБ-ын сайд саналтай танилцаад, дээрх ажил хэргүүдийг хамтран гүйцэтгэхийг сануулжээ.

Холбоотой мэдээ