Хэрэв та үл хөдлөх хөрөнгөө эргэлтэд оруулах гэж байгаа бол…

Хэрэв та үл хөдлөх хөрөнгөө эргэлтэд оруулах гэж байгаа бол…
Хэрэв та үл хөдлөх хөрөнгөө эргэлтэд оруулах гэж байгаа бол…

Хэдхэн хором анхаарлаа хандуулна уу.

     Үл хөдлөх хөрөнгийн хөдлөх  харилцаа нь хэн хүссэн нь хийчихдэг хялбархан ажил юм шиг ташаа ойлголт хүмүүсийн дунд байдаг. Гэтэл тийм биш, харин ч маш нарийн ур чадвар, олон талын мэдлэг мэдээлэл сайтай мэргэжлийн баг хамт олны хийдэг ажил юм гэдгийг юуны өмнө уншигч та бүхэндээ илэрхийлэх нь зүйтэй биз ээ.

     Хүн бүхий л амьдралынхаа туршид үл хөрөнгийг хоёроос гурван удаа л худалдан авдаг гэсэн судалгаа, мэдээлэл байдаг нь энэ салбарын зах зээл ямар онцлогтой болохыг харуулж байна. Үл хөдлөх хөрөнгө нь тухайн эзнийхээ өчигдрийн түүх, өнөөдрийн боломж, маргаашийн үнэ цэнийг илтгэж, хариуцлагатай шийдвэр гаргахыг шаарддаг харилцаа юм.

Энэхүү чухал шийдвэр гаргах мөч өнөөдөр танд тулгараагүй ч, өөр нэг өдөр тохиохыг ч үгүйсгэхгүй.

Байраа зарах гэж буй иргэдэд тулгардаг нийтлэг асуудлууд нь:
  1. Хэдэн төгрөгөөр үнэлэх вэ?
  2. Хэнд хандах вэ?
  3. Эрэлтээ тодорхойлж, худалдан авагчдыг хэрхэн олох вэ?
  4. Цаг хугацааг зөв тодорхойлох
  5. Оновчтой шийдвэр гаргалт гэх мэт зөвлөгөө авах шаардлагатай зүйлс цөөнгүй бий.
     Үл хөдлөх хөрөнгийн салбар өндөр хөгжсөн улс орнуудад иргэд нь цаг хугацаагаа хэмнэж мэргэжлийн компанид ханддаг. Харин манайд эсрэгээрээ, иргэд өөрсдөө л зарж борлуулах гэж зүтгээд, эцэст нь санхүү болон хууль эрх зүйн мэдлэг дутмагаасаа болж өндөр зардал гаргах, цаг хугацаа алдах зэрэг асуудалд хялбархан ордог. 

     Иймд анхнаасаа  зөв сонголт хийж, олон талын мэдлэг мэдээллийг НЭГ ЦЭГЭЭС  өгч чадах Үл хөдлөх хөрөнгийн мэргэжлийн компанийг сонгон үйлчлүүлэх нь зүйтэй байдаг.

1. Хэдэн төгрөгөөр үнэлэх вэ?

     Үл хөдлөх хөрөнгийнхөө үнэлгээг тогтооно гэдэг нь таны бодсон шиг тийм амар зүйл биш болов уу. Худалдааны сайт, зарын сонингуудаас хараад л үл хөдлөх хөрөнгөө үнэлчих гээд байдаг буруу хандлага нийтлэг байна. Эсвэл ойр орчмын ижил төстэй үл хөдлөх хөрөнгөтэй харьцуулж үзээд, түүнтэй адилтган зарах гэж оролдох нь элбэг  бий.

     Аливаа зүйлийг худалдах, худалдан авах харилцаа нь хоорондоо эсрэг тэсрэг байдаг. Зарж байгаа нь аль болох өндрөөр үнэлж, авч байгаа нь хамгийн хямдаар авахыг хүсдэг нь маргаангүй үнэн. Харин мэргэжлийн компани, зөвлөхүүд худалдагч, худалдан авагч талуудад аль алинд нь хамгийн боломжит үнэлгээг санал болгодог. Тийм ч учраас үл хөдлөх хөрөнгийн үнэлгээг  мэдээ мэдээлэл, бодит судалгаанд үндсэлж мэргэжлийн баг хамт олонтой зөвлөлдөж гаргах нь ирээдүйд учирч болох эрсдэлийг бууруулах давуу талтай.

2. Хэнд хандах вэ?

     Хамгийн сайн зөвлөгч хэн бэ? Үл хөдлөх хөрөнгө худалдан авах нь дэлгүүрээс ердийн эд бараа авахаас тэс өөр зүйл болохыг бодож үзэх хэрэгтэй.

     Хөлс хөдөлмөрөө зориулан олон жил хурааж цуглуулсан мөнгөөрөө авсан эд хөрөнгийнхөө ирээдүйн үнэ цэнийг өсгөх үү, бууруулах уу? Энэхүү шийдвэрийн үр дүн нь урт хугацаандаа гардаг тул сайтар нягталж, бодож байж гаргах нь зүйтэй байдаг.

3. Эрэлтээ тодорхойлж, худалдан авагчдыг хэрхэн олох вэ?

     Анх удаа байр худалдан авч байгаа хүмүүсийн 32 хувь нь дараагийн хоёр жилдээ, 45 хувь нь дараагийн гурав дахь жилээс байраа солих тухай бодож эхэлдэг болохыг баримтаар гаргасан нэгэн судалгааны дүнгээс худалдан авагчийн мэдлэг мэдээлэл, шаардлага хүсэл сонирхол цаг үеэ даган өөрчлөгдөж байдгийг тодорхой харж болно.

     Ер нь Монголчууд бид амьдрах байр сууцандаа ихээхэн ач холбогдол өгдөг хүмүүс. Олон удаа очиж үзнэ харна, ханыг нь барьж, цохиж үзнэ, үнийг нь шалд нь буулгах гэж оролдоно гээд олон сонин үйлдлүүдийг харж болно.
Тэгэхээр үр дүнтэй борлуулалт хийхийн тулд юуны түрүүнд зорилтот худалдан авагчдыг оновчтой тодорхойлж, тэдэнд чиглэсэн зар сурталчилгааг явуулах нь нэн чухал зүйл юм.

4. Цаг хугацааг зөв тодорхойлох

     Манай орны эрс тэс уур амьсгалтай цаг агаарын байдал барилгын чанар, борлуулалтад чухал нөлөө үзүүлж байдаг. Түүнээс гадна эдийн засаг, банк санхүү, улс төрийн бодлого шийдвэрийг харж, цаг хугацааг зөв тооцож төлөвлөж байх нь ихээхэн чухал.

5. Оновчтой шийдвэр гаргалт 

     Цаг үеэ дагаад борлуулалтын шинэлэг арга барилуудыг нэвтрүүлж байх шаардлага манай үл хөдлөх хөрөнгийн салбарт тулгарч байна. Зарын сайт, сонингуудад нийтлүүлээд л байраа төвөггүйхэн борлуулчихдаг үе нэгэнт өнгөрчээ. Зах зээлийн жамаараа үл хөдлөх хөрөнгийн борлуулалтын арвин туршлагатай орнуудын жишгийг дагаж, мэргэжлийн компанид хандаж байраа заруулах нь оновчтой арга болоод байна. Ингэснээр иргэд санхүү, хууль эрхзүйн мэдлэг дутмаг байдгаасаа болж алдаа гаргахгүй, харин ч цаг хугацаа алдах,  мөнгөө хэмнэх, бодит үнээр байраа зарах, зорилтот хэрэглэгчдэд мэдээллээ хүргүүлэх гээд олон талын ач холбогдолтой.

     Орон сууцны бирж ХХК нь үл хөдлөх хөрөнгөтэй холбоотой бүхий л харилцааг “НЭГДСЭН НЭГ ЦЭГТ” төвлөрүүлж, Монголдоо анх удаа маркетинг боруулалтын  шинэлэг үйлчилгээг санаачлан нэвтрүүлээд байна. Иймд байр, шинэ орон сууцны төслөө борлуулах гэж буй иргэд, аж ахуй нэгж, албан байгууллагууд та бүхэнтэй хамтран ажиллах боломж нээлттэй тул бидэнтэй хамтран ажиллахыг урьж байна.
 

Дэлгэрэнгүй мэдээллийг "Орон сууцны бирж"-ээс...

Холбоотой мэдээ