Цахилгаан шатны хурдыг сонгоход гаргадаг нийтлэг алдаа

С.Баярмаа
Нэмсэн: 2016-07-25

Цахилгаан шатны хурдыг сонгоход гаргадаг нийтлэг алдаа

         “Сигма Монголиа” ХХК-ийн Маркетингийн менежер Б.Оюунбаяр

 
       Улс орны минь хөгжил дэвшил, өнгө үзэмж барилгын салбартай нягт уялдаатай бөгөөд барилга дагасан маш олон бизнес байгаа билээ. Өндөр барилга байгууламж бий болох тусам цахилгаан шат нэн тэргүүний хэрэгцээ шаардлага болж байна. Сүүлийн үед зорчигчид цахилгаан шатыг хэрэглэхдээ тав тух, дуу чимээгүй байдлыг эрхэмлэхээс гадна хэр хурдтай явж байгааг анзаардаг болжээ. Иймд барилга, байгууламжийн лифтийг төлөвлөхдөө ХУРД-ыг хэрхэн сонгох талаар зарим нэг нийтлэг алдаанд тулгуурлан, дараах зөвлөгөөг өгч байна.                 
  • Техникийн өрөөтэй цахилгаан шатны ХУРД:
Мотор нь хонгилынхоо дээд талд байрладаг цахилгаан шатыг техникийн өрөөтэй гэж нэрлэнэ.  

Орон сууц, оффис үйлчилгээний зориулалттай барилгын цахилгаан шатны хурд ерөнхийдөө 1-1,75 м/сек байдаг. Захиалагч цахилгаан шатны хурдыг сонгохдоо хэдэн давхар барилгад суурилуулах болон нэг давхарт хэчнээн айл байгаа эсэхийг сайтар бодолцон үзэж, хэт ачаалал үүсгэхгүй байхыг чухалчлах хэрэгтэй.   
Өөрийн хүссэн хурдтай цахилгаан шатыг сонгохдоо хурднаас хамаарч өөрчлөгддөг хэмжээснүүдийн талаар ерөнхий мэдлэгтэй байх ёстой.

(OVERHEAD) 
Хамгийн сүүлийн давхрын шалнаас хонгилын тааз хүртэлх хэмжээ буюу бидний хэлж заншсанаар (OVERHEAD) нь аюулгүйн ажиллагааны орон зай бөгөөд засвар үйлчилгээ хийх үед ажлын орон зай, осол аваарын үед хурдтай явж буй кабин дээшээ чиглэлд хонгилын таазыг, доошоо чиглэлд худгийг цөмлөж гарахаас сэргийлэх орон зай юм.

  Цахилгаан шатны компаниудын каталоги дээрх (OVERHEAD)-ийн хэмжээ ерөнхийдөө адилхан байдаг. Үүнд:  
  • 1 м/сек хурдтай бол хамгийн багадаа 4,200мм
  • 1,5 м/сек хурдтай бол хамгийн багадаа 4,400мм
  • 1,75 м/сек хурдтай бол хамгийн багадаа 4,500мм     
Гэхдээ энэ хэмжээ нь хамгийн сүүлийн давхрын шал хийгдсэн түвшинөөс тооцогдох учраас каталогийн хэмжээн дээр шалны зузааныг нэмж тооцно. 
Жишээ нь: 1,5м/сек хурдтай цахилгаан шатны каталоги дээрх OVERHEAD-ийн хэмжээ 4,400 мм. Үүнийг барилгын зурагт тусгахдаа хучилтнаас 4,400мм-т гаргачихвал 50-100мм шал хийгдсэний дараа 4,300мм болно. Энэ тохиолдолд цахилгаан шатны хурдыг бууруулахаас өөр аргагүйд хүрнэ.   
Зураг төслийн компаниуд OVERHEAD-ийн хэмжээг цахилгаан шатны каталогоос авч зураг төсөлдөө тусгах нь зүйтэй боловч үүн дээр шалны зузааныг нэмж тооцоолох тал дээр алдаа гаргах нь бий. Үүнээс үүдэн захиалагч өөрийн хүссэн хурдыг багасгах тохиолдол их гардаг. Цаашлаад шаардлагатай хэмжээ хүрэхгүй тохиолдолд цахилгаан шатны хурдыг нэмэгдүүлэх зорилгоор нэгэнт цутгасан хучилтаа дээш цөмлөж өргөх тохиолдол ч гарч байна. Тиймээс захиалагч өөрийн сонгосон компанийнхаа каталогитай сайтар танилцан, шаардлагатай хэмжээснүүдийг барилгын зурагтаа тусгуулах нь зүйтэй. 

(PIT-худаг)
Худгийн гүний хэмжээ мөн адил хурднаас хамаарч өөрчлөгддөг.
Худгийн доод хэсгийн зөөлөвч тулгуурыг суулгасны дараа суурь хэсгийг далдлан, барилгын талаас 100мм хэмжээтэй цутгалт хийнэ. Харин барилгын талаас худгийн гүний хэмжээг тооцоолохдоо “МХЕГ-аас худгийн гүний хэмжээг дууссан шалнаас 100мм цутгалт хийсэн  худгийн шал хүртэлх хэмжээгээр шалгадаг” гэдгийг сайтар бодолцон үзэх хэрэгтэй.   
Захиалагч цахилгаан шатны хурдыг өөрийн барилгад тохируулан сонгох бөгөөд тухайн хурданд тохируулан (OVERHEAD) болон (PIT)–ийн хэмжээг зураг төслийн компаниараа гаргуулна. Энэ хэмжээ дутсанаас үүдэн худгийн гүнийг нэмэгдүүлэх зорилгоор доош ухахад хөрсний ус ихтэй газар таарвал худгийн доод талаас ус шүүрэх, түүнийг тогтоох гэсэн асуудал үүсдэг. Мөн давхрын хаалганы довжоо хэсгийг өндөрлөлөө гэж үзэхэд хаалганы нүхний дээд талаас нураалт гардаг. Түүнчлэн өндөр хурдтай цахилгаан шат сонгох гэхээр хэмжээ дутаад байвал, заавал хийцээ эвдэлгүйгээр тухайн хэмжээнд тохирсон хурд бүхий цахилгаан шатыг сонгох нь тохиромжтой.
 
  • Техникийн өрөөгүй цахилгаан шатны ХУРД ба ХОНГИЛЫН ХЭМЖЭЭ:    

Мотор нь хонгил дотроо, тэнцүүлэгч эсрэг ачааныхаа дээр байрладаг цахилгаан шатыг техникийн өрөөгүй гэж нэрлэдэг. Энэ төрлийн цахилгаан шатны хувьд дээр дурдсанчлан (OVERHEAD) болон (PIT)–ийн хэмжээ адил чухал. Үүнээс гадна тэнцүүлэгч эсрэг ачаа нь кабиныхаа хажуу талд байрладаг учраас хаалга онгойх хэсгийн хоёр хажуу талын ханын уртын хэмжээ харилцан адилгүй байна. Өөрөөр хэлбэл, эсрэг ачаа байрласан талын хананы уртыг илүү хэмжээтэй гарна.        
Захиалагч техникийн өрөөгүй цахилгаан шат сонгочихоод, энэ хоёр хэмжээг яг адилхан гаргачихвал цахилгаан шатыг угсрах явцад  эсрэг ачаатай талын хананаас зайлшгүй нураалт гардаг. Иймээс цахилгаан шатны угсралтын зургийн дагуу гаргаж явна.  

Анхаарах зүйл:
 Ер нь каталоги дээр өгөгдсөн хэмжээснүүд нь байж болох хамгийн бага хэмжээ байдаг. Техникийн өрөөгүй цахилгаан шатны хувьд “HW” буюу хонгилын өргөний хэмжээг каталоги дээрх хэмжээнээс 50мм-100мм нөөцтэй авах хэрэгтэй. Хонгилыг каталоги дээр өгөгдсөн хэмжээгээр алдаагүй, тэгш цутгавал асуудалгүй. Гэвч цутгах явцад хазайлт, цүлхийлт үүсэх магадлал нэлээдгүй гарна. Энэ тохиолдолд дотор хананаас өөлж, арматурыг таслах, эсрэг ачааны арын хананаас нураах асуудал гардаг тул болж өгвөл каталоги дээрх хэмжээнээс 50мм-100мм нөөцтэй авах хэрэгтэй.    

“Сигма”ХХК-ийн лифт угсарсан онцлох газрууд: 

Шангрила II


Шинэ нисэх онгоцны буудал


Романа Резиденс


“Гэгээнтэн” кино театр


Хаяг: БЗД 2-р хороо Сансарын 805-р ангийн зүүн талд 
Утас: 11-453643
Факс: 11-450713
Вэб:www.sigmamongolia.com 
И-мэйл хаяг:sigmamongolia@hanmail.net

    
Эх сурвалж: Барилга.мн

Сэдэв: Sigma llc


Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

}

Холбоотой мэдээ


Бие засах газрын суурь /нүх/ хийх аргууд Бие засах газрын суурь /нүх/ хийх аргууд
Бие засах газрын нүхийг ухахдаа ам бүлийн тооноос хамаарч нэг хүнд 0,25м3байхаар тооцоолно.4-5 ... 1 сарын өмнө
Өвлийн ​улиралд дулаан хүлэмж барих аргууд Өвлийн ​улиралд дулаан хүлэмж барих аргууд
Гадна хүлэмжид жилийн дөрвөн улирал дамнуулан жимс ногоогоо тариалах боломжтой. Үүний тулд дара... 2016-11-01 09:36
Гэрийн шаахай хийх хялбар аргууд Гэрийн шаахай хийх хялбар аргууд
Гэрийн шаахай Ганц эсгэлтээр, маш хялбар оёдол тавьж, гэрийн шаахай хийх аргуудыг танилцуулъя. ... 2016-09-05 12:01
Цахилгаан шат сурталчилгааны оновчтой арга Цахилгаан шат сурталчилгааны оновчтой арга
Зарлалын самбар болон автобусны буудалд байрлах сурталчилгаа бидний анхаарлыг нэгэнт татахаа бол... 2016-08-01 09:24

Дээшээ буцах