Далайн эргийн байгальд ээлтэй орон сууцнуудыг санал болгож байна


Далайн эргийн байгальд ээлтэй орон сууцнуудыг санал болгож байна

     Дэлхийд нэр хүндтэй “Шаржа Оазис” үл хөдлөх хөрөнгө хөгжүүлэлтийн компани нь өөрийн хамгийн алдартай, түүхэн төслүүдийн нэг болох Дубайн Шаржа далайн эргийн хот дахь “Cityscrape Global 2015”-ыг эхлүүлээд байна.

    Төслийн санаачлагч, тус группийн ерөнхийлөгч Эль Хассем Масри энэ талаар мэдэгдэхдээ, “Бид энэхүү төслийг Шарж эргийн хотын хөгжлийн ерөнхий төлөвлөгөөний хүрээнд 2021 он гэхэд 10 сая гаруй жуулчныг хүлээн авах зорилго тавин ажиллаж байна. Ингэхдээ орчин орчин үеийн барилга байгууламж бүхий төв хэсэгт зочид буудал гэх мэт орон сууц болон үйлчилгээний төвүүдийн эрэлтийг нэмэгдүүлэхээр төлөвлөж байна. Шаржа эргийн хот нь хүмүүсийн сайн сайхан амьдрах хүсэл сонирхол, эрэлт хэрэгцээнд тохирохуйц амьдралыг бахархалтайгаар санал болгож байна” хэмээн ярьсан юм.



     Эхний ээлжинд 2.5 тэрбум ам.долларын өртгөөр бүтэж буй уг төсөл нь оршин суугч гэр бүлүүдэд тансаг, хүрээлэн буй орчинд ээлтэй орон сууцыг санал болгож байгаа юм. Бүс нутгийн эргийн дагуух 36 км газарт нийт 5,5 ам км талбайд орон сууц, үйлчилгээ, аялал жуулчлалын барилга байгууламжийг төслийг хэрэгжүүлнэ.

     Шаржа нь байгалийн сувгаар хоорондоо холбогдсон, зуслангийн харш, усан парк, далайн клубууд, орон сууц, зочид буудал, оффисын баригууд бүхий цувраа 10 арлаас бүрдэнэ. Энэ нь шат дараалсан олон төслийн дөнгөж нэг нь бөгөөд эхний ээлж нь 2018 оны 3-р улиралд ашиглалтад орно. Саудын Арабад төвтэй “Al Hanoo” үл хөдлөх хөрөнгийн компанийн захирал, Шейх Абдула Шхара, “Бид энэ төсөлд нэлээд их хөрөнгө оруулалтыг хийсэн. ‘Шаржа Оазис’ үл хөдлөх хөрөнгө хөгжүүлэлтийнхэн Шаржа эргийн хотод маш их бүтээн байгуулалтын ажлыг гүйцэтгэж байна. 2021 он гэхэд энэ төсөл маань хотын аялал жуулчлалын амин судас байна гэдэгт итгэж байна” гэсэн юм.



     Шаржа дахь Al Hanoo болон Эмиратын үйлдвэрлэлийн хотыг байгуулах үедээ “Al Hanoo” нь итгэмжлэх жуух бичгээ өргөн барьсан билээ. ‘Шаржа Оазис’ үл хөдлөх хөрөнгө хөгжүүлэлтийн төслийн эхний үе шатыг санхүүжүүлэх харилцан ойлголцлын санамж бичгийг Хөрөнгө оруулалтын банктай байгуулсан билээ.

     “Төслийн үнэлгээг гаргахдаа бид маш болгоомжтой хандаж, Шаржагийн иргэд олон нийтэд үзүүлэх нөлөөлөл, боломжит байдлыг авч үзсэн. Бид одоогоор 2016 оны сүүлчээр ашиглалтад орох төслийн эхний ээлжинд шаардлагатай санхүүжилтийг олгоод байна. Банкны нөхцөл байдлаа харгалзан үзэж, цаашдаа төслийн үлдсэн ээлжүүдэд санхүүжилт олгох эсэхийг хэлэлцэж байгаа” гэж Хөрөнгө оруулалтын банкны ерөнхий менежер Сами Рашид Фарат ярьсан юм.

     Түүнчлэн эргийн хотыг хөгжүүлэх ажлын хүрээнд, Dusit-Sharjah болон Shaza-Sharja хотуудын хооронд зочид буудлуудыг барих гэрээ хэлэлцээрийг хийхээр болжээ. Зочид буудлуудын барилгын ажил 2016 оны 4-р улиралд эхлүүлж, 2019 онд үүд хаалгаа нээхээр төлөвлөж байна.



     Dusit-Sharja нь багаар бодоход 200 орчим өрөөтэй 5 одтой зочид буудал байх юм. Энд 200 өрөөнөөс гадна эрэгтэй эмэгтэй спа, эрүүлжүүлэх клуб, фитнесс төв, усан бассейн уулзалтын танхимууд болон бизнес төвүүд багтана.

     Shaza-Sharjah нь 300 өрөөтэй, 350 үйлчилгээтэй орон сууцаас бүрдсэн олон  улсын таван одтой зочид буудлын стандартыг хангасан байх юм. Тус зочид буудалд Shaza “Hammam and spa” фитнесс төв, нийтийн хоолны газар, хүлээн авалт, хурал уулзалтын байгууламж Shaza хүүхэд багачуудын клуб, нийтийн номын сан, жижиглэн худалдааны төв, автомашины зогсоолууд болон бусад амралт зугаалгын байгууламжуудыг багтаасан байна.

 
Орчуулсан Д.Цолмонгэрэл
Эх сурвалж: Барилга.МН

Сэдэв: уран барилга


Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

}

Холбоотой мэдээ


Америкийн хамгийн үнэтэй байшин 250 сая доллараар зарагджээ Америкийн хамгийн үнэтэй байшин 250 сая доллараар зарагджээ
Калифорни мужийн Лос-Анжелес хотноо АНУ-ын хамгийн үнэтэй байшин 250 сая доллараар зарагдлаа. Н... 18 өдрийн өмнө
Нарны эрчим хүч ашиглан цэвэр усаар хангах боломжтой болжээ Нарны эрчим хүч ашиглан цэвэр усаар хангах боломжтой болжээ
Нарны эрчим хүчээр ажилладаг цэвэршүүлэгч системийг ашиглан Энэтхэгийн цэвэр усны хомсдолтой нутаг... 20 өдрийн өмнө
Хятадын анхны “Босоо ой” Нанжинд сүндэрлэнэ Хятадын анхны “Босоо ой” Нанжинд сүндэрлэнэ
Италийн Милан хотноо баригдаж хэдийн нэрд гарсан, архитектор Стефано Боэригийн “Босоо ой&rdq... 21 өдрийн өмнө
Агуй дахь байшин Агуй дахь байшин
Эртний хүмүүс агуйд амьдардаг байсан бол орчин үед үүнийг загвар, давтагдашгүй хэв маяг болгож... 21 өдрийн өмнө

Дээшээ буцах