Хуучин орон сууцнуудын дулаан алдагдлыг бууруулж, иргэдийн тав тухтай, дулаан амьдрах нөхцөлийг бүрдүүлэх нэгэн төслийг хэрэгжүүлэхээр болжээ. Нийслэлийн орон сууцны корпорациас угсармал орон сууцнуудад зориулсан "Дулаан техникийн шинэчлэлийн төсөл"-ийг зохион байгуулж ажиллахаар болсон байна.

     Төслөөр нийтийн ориулалттай орон сууцны барилгуудын дулааны алдагдлыг бууруулах зорилгоор дээврийн засвар, барилгын гадна ханыг дулаалах, хаалга, цонхыг шинэчлэх, зоорийн давхрын хучилтыг засварлах зэрэг ажлуудыг хийхээр аж. Нийслэлд 1970-1990 оны хооронд баригдсан 1077 угсармал орон сууц байдгаас 46000 гаруй өрх буюу нийслэл хотын хүн амын 20 хувь нь амьдарч байна.

     Угсармал орон сууцнуудад өнөөдрийг хүртэл их засвар хийгдээгүйн улмаас дулааны алдагдал өндөр, өвлийн улиралд хүйтэн байдаг тул дулаан техникийн шинэчлэлийн үйл ажиллагааг хэрэгжүүлэх шаардлагатай  болоод байгаа аж.