Барилга, орон сууцыг барьж, бүтээж, байгуулсан инженер мэргэжилтнүүдийн хөдөлмөрийг төгс бүтээл болгон хэрэглэгчдийн гарт хүргэдэг хүмүүс бол интерьер дизайнерууд байдаг. Сэтгүүлийн өмнөх дугаарууддаа Монгол үндэсний өв уламжлалыг түлхүү шингээсэн интерьерийн бүтээлүүдийг онцолж байсан бол энэ удаад орчин үеийн чиг хандлагыг тансаг, сонгодог хэв маягт нийцүүлэн уусгаж, дэвшилтэт техник технологитой нь уялдуулсан нэгэн шинэлэг бүтээлийг танилцуулахаар шийдлээ.

     Оршин суугчдын тав тухтай амьдрах орчныг гэрийн ухаалаг автоматжуулалтын системээр шийдсэн “Santo Smart Apartment” орон сууцны хотхоны тансаг, дээд зэрэглэлийг илэрхийлэх бас нэгэн гол үзүүлэлт нь түүний “пантом” буюу энгийн мэт харагдах завсрын өнгөтэй чамин, орчин үеийн загварлаг хийцийг бүрдүүлэгч интерьерийн шийдэл нь юм.



     Өнгөний сонголт, орон зайн оновчтой зохион байгуулалт, өвөрмөц хэлбэрийн савхан тааз, модон хана зэрэг нь энэ шийдлийг тодорхойлогч гол хүчин зүйлс юм. Ихэвчлэн үйлчилгээний байгууллагууд захиалан хийлгэдэг байсан энэхүү таазыг “Santo Smart Apartment”-ийн засал чимэглэлд ашигласан нь шинэлэг, бас өвөрмөц хандлагыг илэрхийлэх аж.

     Уг таазны давуу тал нь тухайн барилгын дам нуруу байрны аль ч хэсэгт мэдэгдэхгүй, өнгө үзэмжид нөлөөлөхгүй байх явдал. Мөн тавилга болон өрөөний зохион байгуулалтад тохирсон энгийн, харахад түүртэхгүй, ашиггүй өнцөг булангүй интерьерийн шийдэл болсон.

Зочны өрөө:



     Энэхүү өрөөний модерн чиг хандлагыг илэрхийлсэн гол шийдэл модон хана нь байгалийн зүй тогтлыг илүүтэй мэдрүүлж, тансаг бөгөөд тав тухтай байдлыг илэрхийлнэ. Барилгын дам нурууг өрөөний аль ч хэсэгт харагдуулахгүй байх үүрэгтэй хэд хэдэн дугуй дүрсийг нэгтгэсэн нь дизайны бас нэгэн өвөрмөц шийдэл болсон. Гал тогоо, коридорын хэсэгт хурц тод өнгийг нэмсэн нь интерьерийн сонирхолтой шигтгээ болж харагдана.

Мастер унтлагын өрөө:





     Хөл хөдөлгөөн тасардаггүй их хотын хамгийн амар амгалан газар бол тухайн хүний амьдарч буй гэр, тэр тусмаа унтлагын өрөө нь байдаг. Тэгвэл энэхүү өрөөнд залуу хосуудад зориулан хотын бөгчим уур амьсгал, чимээ шуугианаас тусгаарласан, хар цагаан өнгөний хослолоор эрхэмсэг, тайван байдлыг бүрдүүлсэн, энгийн мөртлөө цэмцгэр орчныг бий болгожээ.

Зочны унтлагын өрөө:



     Мөн л “минимал” хэв шинжийг агуулсан энэ орон зайд хүний хэрэгцээг бүрэн хангахуйц маш цөөн, хэрэгцээт тавилга, эд зүйлсийг байрлуулсан нь орчин үеийн төгс шийдэл болсон. Гэрэлтүүлэг, хурц өнгийн хөшиг зэрэг нь өрөөг гэгээлэг болгож, сонирхолтой загварлаг харагдуулах үүргийг гүйцэтгэнэ.



SANTO SMART APARTMENT

Утас: 8820-5050, 8830-5050

Гүйцэтгэгч: Архитектур, экстерьер, интерьер дизайны зураг төсөл гүйцэтгэгч “Tomthink” ХХК