Дүнзэн байшингаа хэрхэн арчилж, өнгийг нь сэргээх вэ

Б.Бурмаа
Нэмсэн: 2016-06-20

Дүнзэн байшингаа хэрхэн арчилж, өнгийг нь сэргээх вэ
Дүнзэн байшингийн цэвэрлэгээ, өнгөлгөө болон лакан бүрхүүл

     Дүнзэн байшин бол чанар, урт удаан эдэлгээ, тав тухтай байдлыг бүрэн хангасан хүн бүхний мөрөөдлийн байшин билээ. Гэхдээ түүний үзэмжтэй байдлыг нь цоо шинэхэн мэт удаан хадгалахын тулд уйгагүй арчилгаа шаардагддагийг хүмүүс тэр бүр мэддэггүй. Дүнзэн байшин нь тоосгон, цутгамал, блокон байшинг бодвол байгалийн амьдлаг материалаар хийгддэг тул илүү их арчилгаа, цэвэрлэгээ, тусгай хамгаалалтын түрхлэгүүд шаардагддаг.
 
     Иймд бид танд мөрөөдлийн дүнзэн байшингаа илүү олон жил, урт удаан хугацаанд цэвэрхэн ашиглахын тулд түүнийг хэрхэн зөв шат дараалалтайгаар цэвэрлэж, өнгөлөх талаарх зөвлөгөөг хүргэе.



Ингээд цааш нь харъя:

1. Дүнзэн байшингийн гадаргуугийн бэлтгэл ажил

   Дүнзэн байшингийн нүүрэн хэсэг болон өнгөлгөөг илүү сайн тогтоцтой болгохын тулд тухайн модон материалын буюу дүнзний гадаргуугийн суурийг маш сайн бэлдэх хэрэгтэй.

     Дүнзэн байшингийн чанар, өнгөн хэсэг болон үзэмжинд орчны бохирдол, нарны хэт ягаан туяаны шууд тусгал, агаарын хэт их чийгээс болж үүсэх гажилт хазайлт, мөөгөнцөр, хорхой шавьж гэх мэт олон хүчин зүйл шууд нөлөөлдөг.



2. Дүнзний цэвэрлэгээ болон зүлгүүр

     Хэдийгээр барилгын явцад орчны нөлөөнөөс болж байшин өөрийн гоёмсог эрүүл өнгийг алддаг ч цэвэрлэгээ болон зүлгүүр нь байшингийн өө сэвийг арилган, өнгийг дахин сэргээх боломжийг олгодог. Үүний тусламжтайгаар дүнзний гадаргууг механик аргаар цэвэрлэн бэлтгэж, дараа дараагийн ариутгал, цэвэрлэгээг хийхэд тус болдог. Дүнзийг зүлгэж цэвэрлэснээр дараах давуу талууд бий болдог.

Үүнд:
• Барилгын материалын үндсэн шинж чанар сайжрах
• Харагдах байдал, өнгө үзэмж сайжрах
• Барилгын оршин тогтнох насжилт нэмэгдэх
Дүнзийг дахин боловсруулах, арчлах, хамгаалалтын
бодис зэргийг жигд түрхэхэд хялбар болох гэх мэт.



3. Гадаргуугийн бэлтгэл ажил ба өнгөлгөө

     
Дүнзэн байшингийн гадна талыг ариутган будсанаар гадаргуу нүүрэн хэсэг гадны нөлөөний элэгдэлд илүү тэсвэртэй болдог. Технологийн дагуу өнгөлгөө болон будгийг зөв хийх нь байшингийн ашиглалтын хугацаа уртсахад шууд нөлөөлдөг бөгөөд дүнзний гадаргууг зөв бэлдсэнээр будаг,лакны тогтоц илүү сайжран гоёмсог байдлаа хадгалдаг.

     Эхлээд дүнзээ сайтар ажиглан илүүдэл бохир, давирхай, толбыг нарийн цэвэрлэсний дараа модны зориулалтын зүлгүүрээр зүлгүүрдэн гадаргууг гөлгөр болгоно. Зүлгэсний дараа илүүдэл үртэснүүдийг том сойтгоор цэвэрлэн, дүнзний  цууралт, нүх, хагархай болон бусад өө сэвийг зориулалтын модны шпаклаар дүүргэн шавж, хатаагаад дахин зүлгэж тэгшилнэ. Үүний дараа цэвэр бүлээн усаар дүнзээ чийглэн зүлгүүрдэж, дахин цууралт үүсгэхгүйн тулд сайтар хатаана. Гадаргуу бүрэн хатсаны дараа нарийн зүлгүүрээр дахин зүлгүүрдэнэ. Тэгээд зориулалтын модны суурь өнгөлөгчөөр гадаргууг өнгөлнө. Өнгөлөгчөө түрхэхээс өмнө гадаргуу дээрх бохир тоос шороог сайтар цэвэрлэж, тухайн модны төрөлд тохирсон өнгөлөгчөөр өнгөлнө.Өнгөлгөөний шингэнийг маш зөөлөн сойз буюу бийрээр түрхэж өнгөлөх бөгөөд үүнийг хатсаны дараа эцсийн зүлгэлтийг хийж, гадаргуугийн будалт хийх болон лакдахад бэлэн болгоно.



4. Лакан бүрэлт

     Лак нь тосон, усан, алкидан, нийлэг гэх мэт олон төрөл байдаг. Жишээлбэл, олон нийтэд танил болсон Тиккурила, Сенеж, Неомид гэх алдартай фирмийн усан суурьтай лакуудыг хэрэглэдэг бөгөөд эдгээр нь барилгын төгсгөлд өнгөлгөө, чимэглэл болон гадаргуун хамгаалалтын зориулалтаар дүнзэн байшингийн гадна болон дотор хэсэгт ашиглагддаг.

     Тус лак нь тунгалаг өнгөтэй бөгөөд өндөр хамгаалалтын давхарга үүсгэн, дүнзийг ялзарч, мөөгөнцөртөх, хөгц үүсэх, хагарах, хорхой шавьжнаас хамгаалж, нарны хэт ягаан туяанаас урьдчилан сэргийлдэг. Эдгээр лакууд нь ямар нэг үнэр агуулдаггүй бөгөөд хатсаны дараа ч дүнзний байгалийн үнэрийг нь хадгалж байдаг.

Лакан түрхлэг хийхийн тулд:
  • Дүнзний гадаргуу дахь тоос шороог зөөлөн сойтгоор сайн цэвэрлэнэ;
  • Савтай лакаа сайтар хутган 15 минут орхино;       
  • Лакдах эхний үеийг өргөн сойзоор түрхэх, эсвэл зориулалтын шүршлэгээр шүршин лакдана.
  • Дүнзний гадаргуу дахь тоос шороог зөөлөн сойтгоор сайн цэвэрлэнэ;
  • Савтай лакаа сайтар хутган 15 минут орхино;       
  • Лакдах эхний үеийг өргөн сойзоор түрхэх, эсвэл зориулалтын шүршлэгээр шүршин лакдана.
Лакаар бүрэх ажлыг 9:00-22:00 цагийн хооронд хийвэл илүү тохиромжтой.
  • Агаарын чийг шөнийн цагаас бага байх үед
  • Хатаалтыг 3-4 цаг үргэлжлүүлнэ
  • Лакдах сүүлийн үе шатыг хийгээд
  • Хатаалтыг мөн  3-4 цаг үргэлжлүүлнэ
     Лакан бүрэлтийн ажил хийгдэх үед цаг агаар тогтуун, бороо ороогүй байх ёстой бөгөөд агаарын температур 15 хэмээс дээш байх ёстой (+18-20 хэм хамгийн тохиромжтой), мөн савлагаатай лак нь тасалгааны температурт хадгалагдах ёстой.
 
Нэг үе зузаан лак тавьснаас, олон нимгэн үе давхарлаж тавих нь илүү сайн. Энэхүү алтан дүрмийг бүү мартаарай.
 
Таны мөрөөдлийн байшин олон жилийн турш танд үйлчлэн өөрийн тансаг үзэмжээрээ таныг баярлуулсаар байх болтугай!
 
Нийтлэлийг бэлдсэн: «СР Мод Интернейшнл» ХХК
Хаяг:Улаанбаатар,ЧД,Энхтайваны өргөн чөлөө, Экспресс тауэр 15-1505 тоот
Утас: 976-91238722                                                                                   

(төв шуудангийн хашаан дотор) 
Жинхэнэ Орос чанарын дүнзэн байшинг “Ср Мод Интернейшнл” компаниас...
Эх сурвалж: Барилга.МН сэтгүүл

Сэдэв: Амины орон сууц


Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

}

Холбоотой мэдээ


​Байшингийн суурь хийх хялбар арга ​Байшингийн суурь хийх хялбар арга
Байшингийн суурь хийх хялбар бөгөөд найдвартай аргыг товчоор үзүүлж байна. Гэхдээ үүнийг зөвхө... 13 өдрийн өмнө
Газар хөдлөлтийн өндөр баллын эрчимтэй талбайд барилга барьж болох уу? Газар хөдлөлтийн өндөр баллын эрчимтэй талбайд барилга барьж болох уу?
Барилгын салбарт үйл ажиллагаа явуулж буй аж ахуйн нэгж, байгууллага болон иргэдэд тулгардаг нийт... 2016-12-05 11:43
Барилга дахь нарны шууд тусгалын ач холбогдол Барилга дахь нарны шууд тусгалын ач холбогдол
Нарны шууд тусгал буюу инсоляцийн хэрэгцээ, шаардлага Нарны шууд тусгал буюу инсоляци нь хү... 2016-11-23 10:28
Тоосгон өргийг хэдэн давхар хүртэлх барилгад хэрэглэж болох вэ? /Барил... Тоосгон өргийг хэдэн давхар хүртэлх барилгад хэрэглэж болох вэ? /Барилгын салбарын түгээмэл асуултууд/
БАРИЛГЫН САЛБАРЫН ТҮГЭЭМЭЛ АСУУЛТУУД Барилгын салбарт үйл ажиллагаа явуулж буй аж ахуйн нэгж ба... 2016-11-22 10:12

Дээшээ буцах