​80 ам метр талбайтай амины орон сууцтай болвол

Б.Бурмаа
Нэмсэн: 2016-06-15

​80 ам метр талбайтай амины орон сууцтай болвол

     Хүний өдөр тутмын зайлшгүй хэрэглээний нэгээр тогтохгүй хамгийн чухал нь амьдрах орон байр юм гэдгийг амины орон сууцтай, сууцтай болох гэж буй хэн бүхэн сайн мэднэ. Тиймээс иргэд тав тух өнгө үзэмж, загвар дизайн бүхий амины орон сууцыг ихээр барих болжээ. Мөн тэдгээрийн зөв төлөвлөлтөөс гадна чанарын шаардлага хангасан сайн материалаар чанартай барих зэрэгт ихээхэн анхаарах болсон тул таны цаг зав, хөрөнгө мөнгийг үргүй зарцуулахгүй байхад нэмэр болох үүднээс нэгэн зөвлөмж хүргэе.

     Эхний ээлжинд тухайн амины орон сууцаа барих газарт хөрсний шинжилгээ хийлгэж, дүгнэлт гаргуулах нь зөв болов уу. Дараа нь барих гэж буй амины орон сууцныхаа зургийг өөрийн хүсэлд нийцүүлэн гараар ч хамаагүй бүдүүвчлэн гаргаарай. Гаргасан тэр бүдүүвч зургаа мэргэжлийн зураг төслийн компанид хандан, санал солилцон хамтран ажиллах хэрэгтэй. Учир нь мэргэжлийн компани нь таны байшингийн хийц, материалын орц, тав тухтай байдал, цаашлаад шаардагдах хөрөнгө болоод түүнийг зөв зохистой зарцуулахад туслахад оршино.





     Та мэргэжлийн компанид хандахгүйгээр өөрийн бодсоноор шийдвэл байшин тань баригдах явцад, баригдсаны дараа ч эдийн засгийн болон материалын үргүй зардал гарах, барилгын норм стандарт хангаагүйгээс хэтдээ чанарын болон эрүүл ахуйн шаардлага хангахгүй, тав тухгүй сууцтай болно. Өөрийн хүссэн сууцны зураг төслийг зөв төлөвлөлттэйгөөр хийлгэсэн гэж үзвэл танд барих л ажил үлдэнэ.



     Хэрэв орон сууцаа бариулах хувь хүн болон компани онцгойлон сонгож амжаагүй бол товчхон зөвлөмжийг дахин хүргэе. Амины орон сууцыг барихдаа дээр дурдсанчлан хөрсний дүгнэлтийн дагуу сууриа ухаж, зурагт заасны дагуу барилга үйлдвэрлэлийн ажлаа эхэлнэ. Ингэхдээ байшинг тань мэргэжлийн баг, хамт олон гардаж хийхгүй л бол таны санасан хэмжээнд хүртэл баригдаж чадахгүй л болов уу.



     Арай хямдыг нь бодоод ажлын хөлс багатай, мэргэжлийн бус хувь хүн ба бригадаар бариулвал харамч хүн хоёр дахин төлдгийн адил зүйл гарч болно шүү дээ. Иймд асуудал гаргахгүйн тулд мэргэжлийн багт хандах нь зүйтэй. Ингэснээр амины орон сууцны тань угсралт зөв хийцтэй, цаг хугацааны хувьд ашигтай, баталгаат хугацаатай, барилгын ашиглалтын хугацаа урт зэрэг олон давуу талтай. 
 
Эх сурвалж: Барилга.МН сэтгүүл

Сэдэв: Амины орон сууц


Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

}

Холбоотой мэдээ


​Байшингийн суурь хийх хялбар арга ​Байшингийн суурь хийх хялбар арга
Байшингийн суурь хийх хялбар бөгөөд найдвартай аргыг товчоор үзүүлж байна. Гэхдээ үүнийг зөвхө... 13 өдрийн өмнө
Газар хөдлөлтийн өндөр баллын эрчимтэй талбайд барилга барьж болох уу? Газар хөдлөлтийн өндөр баллын эрчимтэй талбайд барилга барьж болох уу?
Барилгын салбарт үйл ажиллагаа явуулж буй аж ахуйн нэгж, байгууллага болон иргэдэд тулгардаг нийт... 2016-12-05 11:43
Барилга дахь нарны шууд тусгалын ач холбогдол Барилга дахь нарны шууд тусгалын ач холбогдол
Нарны шууд тусгал буюу инсоляцийн хэрэгцээ, шаардлага Нарны шууд тусгал буюу инсоляци нь хү... 2016-11-23 10:28
Тоосгон өргийг хэдэн давхар хүртэлх барилгад хэрэглэж болох вэ? /Барил... Тоосгон өргийг хэдэн давхар хүртэлх барилгад хэрэглэж болох вэ? /Барилгын салбарын түгээмэл асуултууд/
БАРИЛГЫН САЛБАРЫН ТҮГЭЭМЭЛ АСУУЛТУУД Барилгын салбарт үйл ажиллагаа явуулж буй аж ахуйн нэгж ба... 2016-11-22 10:12

Дээшээ буцах