Судалгаатай шийдвэр гаргалт амжилттай бизнесийн үндэс болно
Enkhtur
2019-11-06
Барилгын салбарын зах зээлийг бүхэлд нь нэгтгэн дүгнэсэн цогц мэдээллийг хүргэх “БАРИЛГА, ҮЛ ХӨДЛӨХ ХӨРӨНГИЙН СУДАЛГААНЫ ТАЙЛАН 2016” анх удаа худалдаанд гарлаа.
Тайлан нь салбарын бизнес эрхлэгчид, удирдах ажилтнуудын “Ширээний ном” байж, амжилттай бизнес эрхлэхэд нь гол дэмжигч, туслагч нь болж, барилга үл хөдлөх хөрөнгийн зах зээлийн бүхий л талын мэдлэг, мэдээллийг судалгаа, тоон үзүүлэлт, дүн шинжилгээтэй нь хүргэх зорилготой юм.
Ингэхдээ салбарын зах зээлийн гол хүчин зүйлсийг багцлан, Макро орчин, Барилгын салбар, Үл хөдлөх хөрөнгийн зах зээл, Барилгын материал гэсэн дөрвөн үндсэн бүлгийн хүрээнд судалгаа шинжилгээ хийж, тус бүр бодит дүн шинжилгээнд тулгуурласан дүгнэлтүүдийг хүргэж буйгаараа онцлогтой. Түүнчлэн тайлангийн бүлэг бүрт холбогдох мэргэжилтэн, судлаач шинжээчид, эдийн засагчдын дүгнэлт, дэвшүүлж буй таамаглалуудыг онцлон багтаасан нь энэхүү тайлангийн үр өгөөж, үнэ цэнийг нэмэгдүүлж буй нэгэн хүчин зүйл болж байна.
Тухайлбал, mайлангийн Бүлэг 1-т,
Барилгын салбарын өнөөгийн байдал, дотоод ба гадаад эдийн засгийн орчин, хүн ам зүйн хүчин зүйл, засгийн газраас хүн амыг орон сууцжуулах бодлогын хүрээнд хийгдэж буй төсөл хөтөлбөрүүд, нийслэл хотын ерөнхий төлөвлөгөө, Гэр хорооллын дахин төлөвлөлтийн асуудлууд, тэдгээрийн барилга, үл хөдлөх хөрөнгийн салбарт нөлөөлж буй хүчин зүйлсийг тоон үзүүлэлт, судалгаатай мэдээллээр харуулжээ.
Бүлэг 2-т,
Барилгын ажил эхлүүлэх, үргэлжлүүлэх тусгай зөвшөөрөл, барилга угсралтын ажлыг явуулах орчны талаар судлан авч үзжээ. Ингэхдээ, хөрөнгө оруулалт санхүүжилтийг орчин, барилгын зураг төсөл, архитектур, дэд бүтцийн хангамж хүрэлцээ, салбарын хууль эрх зүй, ажиллах хүчин, хөдөлмөрийн аюулгүй байдал зэрэг асуудлыг өргөн хүрээнд судлан шинжилж, зохих тайлбар дүгнэлтийг гаргасан байна.
Бүлэг 3-т,
Монголын үл хөдлөх хөрөнгийн зах зээлийг бүхэлд нь хамруулсан судалгаа, дүгнэлтүүдийг авч үзсэн байна. Тухайлбал, шинэ ба хуучин орон сууцны зах зээл, эрэлт нийлүүлэлтийн байдал, барилгын салбарт олгогдож буй зээл, байрны үнэ, цаашдын төлөв, хашаа байшин болон амины орон сууцны зах зээлийг хөндөн судалжээ.
Тайлангийн Бүлэг 4-т,
Салбарын гол хөдөлгөгч хүч болсон Барилгын материалын зах зээлийг судалсан байна. Үүнд, дотоодын үйлдвэрлэл, импорт, худалдаа, эрэлт нийлүүлэлийн байдал, импортлогч, экспорлогч орнууд болон барилгын гол материалууд болох бетон зуурмаг, арматур, плита, замаска, будаг, эмульс зэргийн үнэ, үнийн чиг хандлагын талаар онцлон авч үзжээ.
Аливаа судалгаа шинжилгээ бодит таамаглал, үндэслэлтэй байх ёстой. Энэхүү тайлангийн гол онцлог нь тэрхүү үндэслэлтэй бодит дүгнэлтийг гаргаж, шинжээчдийн үзэл бодлыг тусгасан явдал юм. Тиймээс барилгын салбарын бүхий л мэдээллийг цаг алдаж, олон эх сурвалжаас хайлгүй, зөвхөн “БАРИЛГА, ҮЛ ХӨДЛӨХ ХӨРӨНГИЙН СУДАЛГААНЫ ТАЙЛАН 2016”-гаас авах боломжтой.
Утас: 99058841, 99907814, 99907816