Гэрийн ухаалаг автоматжуулалт, хамгаалалтын системийг хэрхэн суурилуулах вэ?

Б.Бурмаа
Нэмсэн: 2016-05-27

Гэрийн ухаалаг автоматжуулалт, хамгаалалтын системийг хэрхэн суурилуулах вэ?

      Амины орон сууц нь хүний аюулгүй амьдралыг тэтгэх бат бөх цайз, амарч тухлах өргөө, их хотын дуу чимээнээс тусгаарлан, эрүүл, цэвэр цэмцгэр орчныг бүрдүүлсэн нэгэн төрлийн “харш” билээ. Орчин үед хөгжингүй улс орнуудад дээрх бүхий л шаардлагыг гүйцэлдүүлэхийн зэрэгцээ оршин суугчийг гэмт халдлага, галын аюулаас хамгаалан, цахилгаан болон дулаан зарцуулалтыг зохистой хэмжээнд нь хянах гэрийн иж бүрэн ухаалаг системийг ашиглах болсон.

     Харин манай улсад хамгийн анхны “алтан хараацай” болох үндэсний брэнд “ДОБУ” гэрийн ухаалаг автоматжуулалт, хамгаалалтын системийг хэсэг залуус санаачлан бүтээсэн байдаг. Үндэсний мэргэжилтнүүдийн бүтээсэн “Добу” ухаалаг систем нь чанарын хувьд дэлхийн олон улсын хэрэглээнд нэвтэрсэн өнөөгийн ухаалаг системийн түвшинд хүрсэн зарим нарийвчлал нь илүү. Үүгээрээ бид бахархах нь зүйн хэрэг юм.

     Мэдээллийн технологийн салбар үсрэнгүй хөгжиж буй өнөө цагт айл өрх бүр орон сууц, байшингаа ухаалаг системээр тоноглох хүсэлтэй байдаг ч, тэдэнд бэрхшээл хүндрэл багагүй тулгардаг. Иймд “ДОБУ” системийг бүтээсэн мэргэжилтнүүд уншигч танд гэрийн автоматжуулалт, хамгаалалтын системийг суурилуулахдаа юуг анхаарвал зохих талаар товчхон зөвлөмжийг хүргэж байна.

     Автоматжуулалт, хамгаалалтын системийн ерөнхий бүдүүвч зураг



     Ихэнх хэрэглэгчид тав тухтай тансаг орчныг бүрдүүлэх, болзошгүй аваар, гал болон хулгайн аюулаас урьдчилан сэргийлэх, орон зайнаас үл хамааран гэрээ хянах зорилгоор ухаалаг автоматжуулалт, хамгаалалтын системийг сонгодог.  

     Уг системийн гол хүчин зүйл нь системийн иж бүрдэлд багтаж буй бүхий л цахилгаан хэрэгсэл, тоног төхөөрөмжүүд хоорондоо ямар ч саадгүйгээр уялдаж ажиллах зарчим юм. Ингэхдээ дараах ерөнхий нөхцөлүүдийг хангах шаардлагатай байдаг. Үүнд:
  • Гэрийн бүх гэрлийг асааж, унтраах, тодруулж, бүдгэрүүлэх
  • Цахилгааны бүх залгуурыг удирдах, цагийн тохируулгаар хэрэглээг хязгаарлах
  • Цахилгаан төхөөрөмжүүдийг удирдах
  • Цахилгаан халаалтын системийг бүхэлд нь удирдах
  • Хөшиг, хаалганы цоож, гражийн хаалга, хашааны хаалга зэргийг системд нэгтгэн шууд удирдах
  • Худгийн мотор, насос зэргийг удирдах
  • Усалгааны системийг удирдах
  • Орон зайнаас үл хамааран гэрээ камераар шууд хянах
  • Гэрт гал түймэр, хулгай, ус алдалт гэх мэт аваар осол гарсан үед хэрэглэгчийн гар утсанд шууд мэдээлэл илгээдэг байх
  • Таны гэрт үүссэн нөхцөл байдлаас хамааран ухаалаг үйлдлүүдийг хийх гэх зэрэг үндсэн зүйлс багтдаг.


      Гэрийн ухаалаг системийн тухайд манайд гол төлөв АНУ, Хятад, Солонгос, Герман улсаас импортоор орж ирсэн тоног төхөөрөмжүүд худалдаалагддаг. Хэрэв та өөрийн байшиндаа гэрийн ухаалаг автоматжуулалтын систем суурилуулахаар шийдсэн бол эхлээд юуг хэрхэн удирдах шаардлагатай байгаагаа төлөвлөх хэрэгтэй. Үүнээс хамаарч ямар брэндийн тоног төхөөрөмж сонгохоо шийдэх нь зүйтэй.

     Системийн зохион байгуулалт нь холболтын кабел утсаар, эсвэл утасгүйгээр ч холбогдох боломжтой. Анхаарах ёстой гол зүйл нь ямар ч шийдэлтэй систем сонгосон хэрэглэгч гэрээ гар утаснаасаа удирдах, хянахын тулд интернэт сүлжээтэй байх шаардлагатай. Мөн гар утас тань интернэт холболттой байх шаардлагатайг анхаарах хэрэгтэй.



       Ухаалаг автоматжуулалтын системийг бие даан сонгож байгаа хүмүүсийн гаргадаг нийтлэг алдаа бол үнэ нь хямд байх шийдэл гаргахын тулд олон салангид тоног төхөөрөмжийг (цогц систем биш) сонгодог явдал. Энэ нь хэрэглэгч ашиглахад хүндрэлтэй, ашиглалтын хугацаа богино, тоног төхөөрөмжүүдийн уялдаа холбоо огт байдаггүй гээд таагүй байдлыг бий болгож, улмаар үргүй нэмэгдэл зардал гаргана гэсэн үг.

     Иймд мэргэжлийн хүмүүсийн тусламжтайгаар Монгол хүний зохион бүтээсэн дэвшилтэт технологи, гэрийн ухаалаг системийг амины орон сууцандаа суурилуулж, ашглалтын хамгийн найдвартай өгөөжийг хүртэх боломж танд байгааг дуулгая. Тэгэхээр Монгол мэргэжилтнүүдийн зохион бүтээсэн Добу системийг АНУ-д орон сууцанд суурилуулсан зургуудыг жишээ болгон хүргэж байна. Тус улсад “ДОБУ” систем нь хэрэглэгчдээс өндөр үнэлгээ авч байгаа аж.

“Аметрос технологи” ХХК
www.dobu.io
Утас: 77087737
Эх сурвалж: Барилга.МН сэтгүүл

Сэдэв: Амины орон сууц


Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

}

Холбоотой мэдээ


​Байшингийн суурь хийх хялбар арга ​Байшингийн суурь хийх хялбар арга
Байшингийн суурь хийх хялбар бөгөөд найдвартай аргыг товчоор үзүүлж байна. Гэхдээ үүнийг зөвхө... 13 өдрийн өмнө
Газар хөдлөлтийн өндөр баллын эрчимтэй талбайд барилга барьж болох уу? Газар хөдлөлтийн өндөр баллын эрчимтэй талбайд барилга барьж болох уу?
Барилгын салбарт үйл ажиллагаа явуулж буй аж ахуйн нэгж, байгууллага болон иргэдэд тулгардаг нийт... 2016-12-05 11:43
Барилга дахь нарны шууд тусгалын ач холбогдол Барилга дахь нарны шууд тусгалын ач холбогдол
Нарны шууд тусгал буюу инсоляцийн хэрэгцээ, шаардлага Нарны шууд тусгал буюу инсоляци нь хү... 2016-11-23 10:28
Тоосгон өргийг хэдэн давхар хүртэлх барилгад хэрэглэж болох вэ? /Барил... Тоосгон өргийг хэдэн давхар хүртэлх барилгад хэрэглэж болох вэ? /Барилгын салбарын түгээмэл асуултууд/
БАРИЛГЫН САЛБАРЫН ТҮГЭЭМЭЛ АСУУЛТУУД Барилгын салбарт үйл ажиллагаа явуулж буй аж ахуйн нэгж ба... 2016-11-22 10:12

Дээшээ буцах