“Барилгын салбарын зах зээлийн судалгаа, цаашдын чиг хандлага” уулзалт боллоо
Барилгын салбарт ажиллаж, аж ахуйн нэгж байгууллага удирдан, төсөл хөтөлбөр хэрэгжүүлж, олон олон ажлын байрыг бий болгож буй салбарын удирдлагуудад зориулсан “Барилгын салбарын зах зээлийн судалгаа, цаашдын чиг хандлага” сэдэвт уулзалт семинарыг зохион байгууллаа.
Уулзалтад “Барилга Эм Эн” ХХК-ийн Ерөнхий захирал Г.Батсүх “Барилгын салбарын өнөөгийн байдал, цаашдын чиг хандлага”, сэдвээр “Барилга Эм Эн” ХХК-ийн Судалгааны албаны дарга Б.Билэгтсайхан “Үл хөдлөх хөрөнгийн зах зээл, үнийн өөрчлөлт”, СЭЗДС-ийн багш, эдийн засагч Ж.Дэлгэрсайхан “Барилгын салбарын өсөлт, макро эдийн засгийн цаашдын төлөв байдал”, МБМҮХолбооны Гүйцэтгэх захирал О.Лхагвадорж “Барилгын материалын зах зээл” сэдвүүдээр тус тус илтгэл тавигдаж, 120 гаруй эдийн засагч, судлаачид, МУ-ын Зөвлөх инженерүүд, үл хөдлөх хөрөнгийн бизнес эрхлэгч, барилга угсралтын ажил гүйцэтгэгч, төсөл хэрэгжүүлэгч аж ахуйн нэгжүүдийн удирдах ажилтнууд хүрэлцэн ирсэн юм. Хэлэлцсэн асуудалд, төслөө үр ашигтай борлуулах, үл хөдлөх хөрөнгөө үнэгүйдэхээс аврах, ажилтан албан хаагчдаа тогтвор суурьшилтай ажлын байраар хангах, газрын зөвшөөрөл, барилга барих тусгай зөвшөөрлөө хүнд суртал гэгч өндөр босгогүйгээр олж авах, хөрөнгө оруулалт босгох, барилгын салбарт макро эдийн засгийн үзүүлэх нөлөө зэргийн тухай ярилцаж, зөвлөгөө өглөө.
Тухайлбал, төлбөрийн чадвартай эрэлт буурсан энэ үед ямар төрлийн орон сууц тохирох, барилгын салбарт даатгалын үйлчилгээг яагаад чухалчлах болсон, Дэлхийн банкны эдийн засагчид зах зээлийг хэрхэн дүгнэж байгаа, харилцагч түншүүдээ алдахгүйн тулд юу хийх ёстой, барилгын материалын дотоодын үйлдвэрлэл, газрын үнийн хөөсрөлт, Улаанбаатар хотод дулааны хангамжийн дутагдал хэзээ нүүрлэх, уул уурхайн салбар барилга, үл хөдлөх хөрөнгийн салбарт хэрхэн нөлөөлөх гээд олон чухал сэдвийг хөндөн ярилцав.
Түүнчлэн семинар дээр “Барилга, үл хөдлөх хөрөнгийн судалгааны тайлан 2016”-г танилцуулав. Энэхүү тайланд эдийн засаг, салбарын бодлого болон холбогдох тулгамдсан асуудал нэг бүрийг эдийн засагч, судлаач, мэргэжилтнүүд шинжлэн судалж, цаашдын төлөв байдлыг нийтлээд зогсохгүй шийдвэрлэх боломж, гаргалгааг багтаасан юм.
Уулзалтад “Барилга Эм Эн” ХХК-ийн Ерөнхий захирал Г.Батсүх “Барилгын салбарын өнөөгийн байдал, цаашдын чиг хандлага”, сэдвээр “Барилга Эм Эн” ХХК-ийн Судалгааны албаны дарга Б.Билэгтсайхан “Үл хөдлөх хөрөнгийн зах зээл, үнийн өөрчлөлт”, СЭЗДС-ийн багш, эдийн засагч Ж.Дэлгэрсайхан “Барилгын салбарын өсөлт, макро эдийн засгийн цаашдын төлөв байдал”, МБМҮХолбооны Гүйцэтгэх захирал О.Лхагвадорж “Барилгын материалын зах зээл” сэдвүүдээр тус тус илтгэл тавигдаж, 120 гаруй эдийн засагч, судлаачид, МУ-ын Зөвлөх инженерүүд, үл хөдлөх хөрөнгийн бизнес эрхлэгч, барилга угсралтын ажил гүйцэтгэгч, төсөл хэрэгжүүлэгч аж ахуйн нэгжүүдийн удирдах ажилтнууд хүрэлцэн ирсэн юм. Хэлэлцсэн асуудалд, төслөө үр ашигтай борлуулах, үл хөдлөх хөрөнгөө үнэгүйдэхээс аврах, ажилтан албан хаагчдаа тогтвор суурьшилтай ажлын байраар хангах, газрын зөвшөөрөл, барилга барих тусгай зөвшөөрлөө хүнд суртал гэгч өндөр босгогүйгээр олж авах, хөрөнгө оруулалт босгох, барилгын салбарт макро эдийн засгийн үзүүлэх нөлөө зэргийн тухай ярилцаж, зөвлөгөө өглөө.
Тухайлбал, төлбөрийн чадвартай эрэлт буурсан энэ үед ямар төрлийн орон сууц тохирох, барилгын салбарт даатгалын үйлчилгээг яагаад чухалчлах болсон, Дэлхийн банкны эдийн засагчид зах зээлийг хэрхэн дүгнэж байгаа, харилцагч түншүүдээ алдахгүйн тулд юу хийх ёстой, барилгын материалын дотоодын үйлдвэрлэл, газрын үнийн хөөсрөлт, Улаанбаатар хотод дулааны хангамжийн дутагдал хэзээ нүүрлэх, уул уурхайн салбар барилга, үл хөдлөх хөрөнгийн салбарт хэрхэн нөлөөлөх гээд олон чухал сэдвийг хөндөн ярилцав.
Түүнчлэн семинар дээр “Барилга, үл хөдлөх хөрөнгийн судалгааны тайлан 2016”-г танилцуулав. Энэхүү тайланд эдийн засаг, салбарын бодлого болон холбогдох тулгамдсан асуудал нэг бүрийг эдийн засагч, судлаач, мэргэжилтнүүд шинжлэн судалж, цаашдын төлөв байдлыг нийтлээд зогсохгүй шийдвэрлэх боломж, гаргалгааг багтаасан юм.
