НИТХ-ын ээлжит хуралдаанаар концессын гэрээ байгуулах зөвшөөрөл олгох тухай асуудлыг хэлэлцлээ. Ингэхдээ, нийслэлийн концессын зүйлийн жагсаалтад нийслэлийн Засаг захиргааны  I байр буюу НЗДТГ-ыг спорт заалтай нь хамт буулгаж, шинээр барих төслийг багтаажээ. Төслийг хэрэгжүүлэх зорилгоор нийслэлийн Эдийн засгийн хөгжлийн газраас Концесс олгох уралдаант шалгаруулалтыг зарлаж, “Голомт фаннэйшнил групп” ХХК шалгарсан байна.

     Тус компани нь НЗДТГ-ын хуучин байрыг буулгаж, өөрийн хөрөнгөөр, төмөр бетонон карказан хийцтэй 6 давхар, нэгдсэн зоорийн 1 давхартай,  нийт 17 037 м2 талбай бүхий барилга болгон барих бөгөөд 1-3 давхрыг нийслэлийн өмчид шилжүүлэх юм.  Нийслэлийн Засаг даргын Тамгын газрын байр нь анх 1947 онд ашиглалтад орж 2007 онд ашиглалтын хугацаа дууссан байна. Нийслэлийн ИТХ-ын Тэргүүлэгчид энэ асуудлыг хэлэлцээд, нийслэлийн Засаг даргыг “Голомт фаннэйшнил групп” ХХК-тай концессын гэрээ байгуулахыг зөвшөөрөв.