​Орон сууцны үнэ ханшийн бодит мэдээллийг “Barilga Expo-2016” өгнө

​Орон сууцны үнэ ханшийн бодит мэдээллийг “Barilga Expo-2016” өгнө
     Урин хаврын цагтай уралдан өрнөдөг барилга бүтээн байгуулалтын ажилтай зэрэгцэн жил бүр болдог “Barilga Expo-2016” Орон сууц, үл хөдлөх хөрөнгийн үзэсгэлэн 2016 оны 5-р сарын 06-08-ны өдрүүдэд Мишээл Экспо төвд зохион байгуулагдана.

     Зах зээл дээр эзнээ хүлээж буй хорь гаруй мянган шинэ орон сууцны мэдээллийг байртай болох гэсэн хүсэл, зорилготой хэн бүхэнд хүргэж, худалдан авагч болон борлуулагчдыг холбож, нэг дор уулзах боломжийг олгон, тухайн жилийн орон сууцны үнэ ханшийг үнэн бодитоор тодорхойлоход энэхүү үзэсгэлэн яармагийн гол зорилго оршино.

     Ипотекийн найм, таван хувийн хүүтэй зээл олгогдож, иргэдийн орон сууц худалдан авах эрэлт хэрэгцээ өндөр байгаа учраас тэдэнд зах зээл дээр борлуулагдаж буй нийт орон сууцны төслийн мэдээллийг нэг цэгээс иргэдэд өгөх, компаниуд өөрсдийгөө танилцуулах, борлуулалтаа нэмэгдүүлэх, аж ахуйн нэгжүүд хамтран ажиллагч түнш, хөрөнгө оруулагчидтай болоход нь дэмжлэг үзүүлэх гээд олон талын ач холбогдолтой “Barilga Expo-2016” та бүхнийг хүлээж байна.

     Улаанбаатар хотод хэрэгжиж, борлуулалт явагдаж буй орон сууцны 215 төсөл байгаагаас 130 гаруй нь уг үзэсгэлэн яармагт оролцож байгаа. Тэгэхээр олон газар хэсч, цаг заваа дэмий үрэхгүйгээр, гурав хоног үргэлжлэх энэ үзэсгэлэнгээс хүссэн бүх мэдээллээ авах боломж байгааг танд дуулгая.
Үзэсгэлэнд урьдчилгаа төлөлтөөс хамаарсан үнийн хөнгөлөлт үзүүлэх, тавилга, цахилгаан барааны дэлгүүрээс бүтээгдэхүүн сонгоход олгох урамшуулал, гэр бүлээрээ амралт сувилалд явах эрхийн бичиг, тэр ч бүү хэл байр захиалаад Lexus-570 машин хожих супер хонжвортой худалдааг оролцогч компаниуд явуулах тул та бүхэн азаа үзэх боломжтой шүү.
Үзэсгэлэнгийн өдрүүд хязгаартай тул амжиж очоод, хүссэн мэдээллээ аваарай гэж та бүхнийг урьж байна.

Холбоотой мэдээ