Жил бүрийн хаврын улиралд уламжлал болон зохион байгуулагдаж, барилгын салбарын аж ахуйн нэгж байгууллагуудыг нэг дор төвлөрүүлэн барилгын материалын худалдааг идэвхжүүлэхэд чухал ач холбогдол, нөлөөг үзүүлж чаддаг “Barilga Expo-2016” үзэсгэлэн яармагийн Барилгын материалын үзэсгэлэн өнөөдөр өндөрлөх гэж байна.

     Хэрэглэгч, худалдан авагчид, салбарын аж ахуйн нэгж байгууллагууд, хөрөнгө оруулагчдын хоорондын харилцаа холбоог дэмжин холбогч гүүр нь болж, нэгэн дээвэр дор тэднийг цуглуулж чаддаг энэ үзэсгэлэнгийн оролцогчид жил ирэх тусам нэмэгдсээр байна. Тухайлбал, Хятад, Орос, Чех, Польш, Итали, Герман, Солонгос, Япон, Финляндын барилгын материал үйлдвэрлэгч олон тооны компани тус үзэсгэлэнд шинээр оролцол

     Тус үзэсгэлэнг тухайн жилийн барилгын салбарын дэвшилтэт техник технологи, шинэ бүтээгдэхүүн, үйлчилгээ, үнэ ханшийг тодорхойлогч гол арга хэмжээ гэж хэлж болно. Энд хүрэлцэн ирснээр та зөвхөн үзэсгэлэнгийн өдрүүдэд үргэлжлэх хямдрал, урамшуулал, хөнгөлөлт, сугалаатай худалдаанд оролцохоос гадна өөрийн оронд шинээр нэвтэрч буй барилгын бүхий л төрлийн үйлчилгээг мэдэж авах боломжтойг дуулгая. Мишээл экспо төвд зохион байгуулагдаж буй уг үзэсгэлэн өнөөдөр 18:00 цаг хүртэл үргэлжилнэ.