Жил бүрийн хаврын улиралд уламжлал ёсоор зохион байгуулагддаг "BARILGA EXPO 2016" Олон улсын үзэсгэлэн яармагийн Барилгын материалын үзэсгэлэн өнөөдөр Мишээл Экспод 12 цагт нээлтээ хийх гэж байна. Үзэсгэлэн гурав хоногийн турш үргэлжилнэ. 

     Үзэсгэлэнд барилгын салбарт шинээр нэвтрүүлж буй шинэ дэвшилтэт техник технологи, барилгын материалыг үйлдвэрлэгч, импортлогчид танилцуулах юм. Урин дулааны улирал ирж, барилга угсралтын ажил ид өрнөж эхэлсэн энэ үед хэрэглэгч та бүхэн үзэсгэлэнд хүрэлцэн ирснээр хэрэгтэй мэдээллээ нэг дороос авах бүрэн боломжтой.

     Түүнчлэн үзэсгэлэнг тохиолдуулаад хэд хэдэн компани урамшуулал, хөнгөлөлт, сугалаатай худалдаа явуулж байгааг дашрамд дуулгая.