50 ам метр талбайтай авсаархан амины орон сууцтай болох нь

50 ам метр талбайтай авсаархан амины орон сууцтай болох нь
     Амины орон сууцны цуврал зөвлөмжөөрөө бага талбайтай сууцны төсөв, өртгийг тооцон гаргасан мэдээллийг хүргэе. Ингэхдээ иргэдийн дунд хамгийн эрэлттэй байдаг, 50 ам метр талбайтай амины орон сууцыг, сүүлийн жилүүдэд манай улсад өргөнөөр ашиглах болсон Канад технологиор барихад хэр хэмжээний зардал гарахыг тооцоолсон зөвлөмжийг онцоллоо.

     Канад технологийн амины орон сууц буюу модон араг бүтээцтэй энэхүү барилга нь АНУ, Герман, Канад, Япон, Швед, ОХУ зэрэг өндөр хөгжилтөй орнуудад өргөн хэрэглэгдсээр ирсэн. Сүүлийн үед Хятад, Тайваньд ашиглах болж, манай улсад ч орчин үеийн модон каркастай барилгын норм дүрмийг боловсруулж, хүлээн зөвшөөрөгдлөө.

     Энэ технологийг 2007 оноос эхлэн зарим аж ахуйн нэгж нэвтрүүлж эхэлсэн бөгөөд хувийн амины орон сууц, цэцэрлэг, барилгын өтгөтгөл, 1-2 давхар үйлчилгээний барилга, угсралтын ажилд барилгын үндсэн бүтээц болгон ашиглаж байна.

     Манай орны хувьд ч нийслэлийн агаарын бохирдлыг бууруулах, барилгыг дулаан алдагдалгүй байлгах, сэргээгдэх эрчим хүчийг ашиглах чиг хандлагыг баримталж эхэлсэн энэ үед  Канад технологийг иргэдэд таниулан сурталчлах нь цаашид энэ төрлийн технологийг ашигласан олон төсөл, хөтөлбөрийг хэрэгжүүлэхэд дэмжлэг болох юм.




     Энэ технологи нь дулаан хадгалах чадвар маш өндөр, битүүмжлэл сайтай, эрчим хүчний хэмнэлттэй, материалын өртөг болон хөдөлмөр зарцуулалт бага, барилга угсралтын ажлыг богино хугацаанд буюу 7-14 хоногт хийх боломжтой байдаг нь амины сууцны нийт зардлыг бууруулж, олон иргэдийг өртөг багатай амины сууцаар шуурхай хангах нөхцөлийг бүрдүүлнэ.

 
Зөвлөмжийг бэлтгэсэн: “Best House ХХК
Холбоо барих:
besthouse.mn@gmail.com
http://besthouse.mn/
https://www.facebook.com/besthousemongolia
Утас: 9019-0303, 90190404

Холбоотой мэдээ