Орон сууцны борлуулалт 2-р сард бага зэрэг өсчээ

Б.Бурмаа
Нэмсэн: 2016-03-11

Орон сууцны борлуулалт 2-р сард бага зэрэг өсчээ
     Монголбанкны захиалгаар үл хөдлөх хөрөнгийн “Тэнхлэг зууч” компанийн эрхлэн гаргадаг Орон сууцны үнийн индекс өнгөрөгч 2-р сард 5.5 хувьтай гарлаа. Энэ нь өмнөх сараас 0,1 хувиар буурсан үзүүлэлт юм. Үүнийг оны эхэн үетэй харьцуулахад -0.05 хувь, өнгөрсөн оны мөн үетэй харьцуулбал -10 хувиар буурсан үзүүлэлт аж.

     Харин Шинэ орон сууцны үнийн индексийг тусад нь авч үзвэл, 17.1 хувьтай гарчээ. Энэ нь өмнөх сараас -1.0 хувь буурсан, оны эхэн үеэс -1.7, 12 сарын өмнөхөөс -6.6 хувиар буурсан үзүүлэлт юм байна. Хуучин орон сууцны үнийн индекс -2.4 хувьтай гарсныг харьцуулбал, өмнөх сараас -0.6 хувь, оны эхэн үеэс -0.9 хувь, өнгөрсөн оны мөн үеэс -13.6 хувиар буурсан үзүүлэлт ажээ.

     Эдгээр судалгааны дүнг гаргахад өнгөрөгч сард зах зээлд борлуулагдаж байсан шинэ ба хуучин 4,657 орон сууцны мэдээллийг хамруулж, дүн шинжилгээ хийсэн байна.

     Сүүлийн саруудад эрэлтээ дагаад борлуулалт буурсан ч, өмнөх сартай харьцуулахад 2-р сард борлуулалт бага зэрэг сайжирсан байдал ажиглагдаж байгааг “Тэнхлэг зууч” компанийн гүйцэтгэх захирал Б.Батзориг хэлсэн юм.

     Судалгаанд хамруулсан дээрх орон сууцнуудын 1500 орчим нь шинэ орон сууц байсан ба эдгээрийг нийт төслийн мэдээллээс ижил төрлөөр нь ялган багцалж, сонгосон байна. Шинэ орон сууцны дундаж үнэ 2,040,000 төгрөг орчим байсан ба байршлаас шалтгаалан энэ нь дээш, доош хэлбэлзэж байгаа аж. 




Эх сурвалж: Барилга.МН

Сэдэв: Орон сууц


Сэтгэгдэл (2)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    Ажиглалт 2016-03-11 15:40 216.123.206.82

    Хуучин орон сууцны үнэ бодит өсөлт, бууралтыг тодорхойлж байна. Учир нь хуучин орон сууцны зах зээлд хэн ч оролцдоггүй, Төрөөс зохицуулалт шаарддаггүй, цэвэр эрэлт нийлүүлэлтийн хуулиар явагддаг. 5 хувийн зээл тодорхой газруудад батлагдсан нь эргээд бусад байршлуудад 8 хувийн зээлээр зарахыг оролдож байгаа Компаниудад том цохилт боллоо, Гэтэл хэрэглэгч нар хуучин орон сууцных шиг үнийн бодит байдлыг шинэ орон сууцны зах зээлээс хүлээгээд суучихав. Шинэ орон сууцны зах зээл дээр Төрөөс зохицуулалт хийх нь сайн боловч, манайх шиг үндэсний валют сул оронд удаан үргэлжилж чаддаггүй. Үнэ нь хүлээлтэнд нийцээгүй тохиолдолд үл хөдлөх хөрөнгийн худалдан авагчид мөнх хүлээдэггүй, тэд шинэ орон сууцны зах зээл дээр үнэ хөөсрөлттэй санагдвал талбай томтой, байршил сайтай 5-10 жилийн өмнө баригдсан хуучин орон сууцнаас сонголт хийдэг байдал Барууны зах зээлд ажиглагддаг, Монголд ч энэ давалгаа эхэлчих шиг боллоо.
    Болдоо 2016-03-11 19:38 202.9.40.40

    Өсөлт огт харагдахгүй байна. 2-р сард ер нь 5 хувийг хүлээгээд, 8 хувь-д хамрагдан байр авсан иргэд байгаа юм уу? 2016 оны сонгуулиар Ардчилсан Нам ялагдаад, дараагийн улс төрчид 8 хувь үргэлжлүүлэх мөнгө байхгүйгээс энэ төрлийн зээлийг зогсоочихвол шинэ байрны худалдан авалт бараг зогсож магадгүй эрсдэл бас байна.


Холбоотой мэдээ


Барилгын ажил гүйцэтгэлийн үнэ ханш /11-р сарын 25-ны байдлаар/ Барилгын ажил гүйцэтгэлийн үнэ ханш /11-р сарын 25-ны байдлаар/
"Барилга.МН" сэтгүүлээс сар бүр хүргэдэг барилгын ажил гүйцэтгэлийн үнэ ханшийн мэдээллийг уншигч та... 1 сарын өмнө
Барилгын материалын үнэ ханшийн мэдээлэл /11-р сарын 25-ны байдлаар/ Барилгын материалын үнэ ханшийн мэдээлэл /11-р сарын 25-ны байдлаар/
"Барилга.МН"сэтгүүлээс сар бүр хүргэдэг барилгын материалын үнэ ханшийн мэдээллийг уншигч танд хүргэ... 1 сарын өмнө
Барилгын материалын үнэ ханшийн мэдээлэл /8-р сарын 25-ны байдлаар/ Барилгын материалын үнэ ханшийн мэдээлэл /8-р сарын 25-ны байдлаар/
"Барилга.МН"сэтгүүлээс сар бүр хүргэдэг барилгын материалын үнэ ханшийн мэдээллийг уншигч танд хүргэ... 2016-09-06 11:30
5, 9, 12-р давхрын сууцнууд хамгийн их борлогдож байна 5, 9, 12-р давхрын сууцнууд хамгийн их борлогдож байна
2016 оны байдлаар Улаанбаатар хотын төвийн 6 дүүргийн хороолол бүрээр санамсаргүй түүврийн аргаа... 2016-09-06 09:50

Дээшээ буцах