Сар тутам уншигчиддаа барилгын салбарын онцлох үйл явдлын тойм, мэргэжлийн үнэт зөвлөмж, мэргэжилтнүүдийн яриаг хүргэж байдаг “Барилга.МН” сэтгүүл нь шинэ соргог, цаг үеийн халуун сэдвийг хөндсөн мэдээллийг уншигчиддаа хүргэхээр шинэ дугаараа гаргалаа.





     Үл хөдлөх хөрөнгийн зах зээл тогтворгүй байгаа энэ үед “Барилга Эм Эн” компанийн Судалгааны албанаас эрхлэн гаргасан бизнес эрхлэгчид, худалдан авагчдад зориулсан “Улаанбаатар хотын орон сууцны эрэлт, нийлүүлэлтийн судалгаа”-г энэ дугаартаа онцлон хүргэж байна. Тус судалгааны алба нь цаг үеийн хэрэгцээт судалгаануудаас гадна аж ахуйн нэгж, байгууллагуудын захиалгаар барилгын чиглэлийн бүх төрлийн судалгааг хийх боломжтойг дашрамд сонирхуулъя.




     Сэтгүүлийн Үйл явдлын товчооноос орон сууцны ипотекийн зээлийн 8 хувийн хүүг хэзээнээс бууруулах боломжтой талаарх мэдээллийг аваарай. Мөн 2016 онд барилга, үл хөдлөх хөрөнгийн салбарт ямар өөрчлөлт гарч, тэр нь орон сууцны борлуулалтад хэрхэн нөлөөлж болох талаар дэвшүүлж буй олон талын таамаг асуултуудад хариу өгөхүйц эдийн засагч, судлаачдын баримтад тулгуурласан ярилцлагыг тусгайлан бэлтгэлээ.




     “Сонин содон” буланд Барилга, хот байгуулалтын сайд З.Баянсэлэнгийн гэрийг онцлон танилцууллаа. Барилгын салбарыг удирдаж яваа тэрээр гэр хороололд тохилог, сайхан амьдарч болдгийг харуулж буй УИХ-ын цор ганц гишүүн учраас түүний гэрийн гадна ба дотор заслын шийдлийг ийнхүү олны хүртээл болгож байна.





     Барилгын хийц бүтээцийн ажлыг чанартай гүйцэтгэхийн тулд юунд анхаарах ёстой талаар Монгол Улсын Зөвлөх инженерүүдтэй хийсэн Редакцийн уулзалтыг хүлээн авааарай.




     Орон сууцны талбайн м.кв-ын зөрүүний юунаас болж гардаг талаар бодит жишээнд үндэслэн тайлбарласан хууль эрх зүйн мэдээлэл, иргэдээ орон сууцжуулах их үйлсэд үнэтэй хувь нэмрээ оруулж яваа “Орчлон Констракшн” компанийн захирал Д.Ганзоригийн ярилцлага,



эрчим хүчний хэмнэлттэй дэвшилтэт технологийн шинэ мэдээлэл, нэг сая доллараар дэлхийн аль хотод хэдэн метр квадрат хэмжээтэй байр авч болох тухай, олон нийтийн сүлжээгээр барилгын салбарын талаар ямар яриа өрнөсөн гээд сонирхолтой мэдээ, нийтлэлүүдийг зөвхөн “Барилга.МН” сэтгүүлээс унших боломжтой.