ОРОН СУУЦ ХУДАЛДАН АВАХАД ЮУГ ХАМГИЙН ИХ ЧУХАЛЧИЛЖ БАЙНА ВЭ
Enkhtur
2019-11-06
Хэрэглэгчийн худалдан авах сонирхолтой үнэ болон зах зээлд нийлүүлэгдэж буй орон сууцны үнийн харьцуулалтыг гаргалаа. Хэрэглэгчдийн 70% нь 1,600,000 төгрөг хүртэл, 18% нь 1,600,001-2,000,000 төгрөг хүртэл үнээр орон сууц худалдан авах сонирхолтой гэж хариулсан байна. Нийлүүлэлтийн талаас нь судлахад нийт орон сууцны 19% нь 1,600,000 төгрөг хүртэл, 34% нь 1,600,001-2,000,000 төгрөгийн үнэтэй байна.
График 11 Зарлагдсан орон сууцны үнийн түвшин,
худалдан авагчдын авах сонирхолтой үнэ 1 м.кв-аар
Орон сууц худалдан авахад нөлөөлөгч хүчин зүйлс
Орон сууц худалдан авахаар төлөвлөсөн иргэдийн орон сууцны сонголтод үнэ, байршил, барилгын хийц гэсэн үзүүлэлтийг хамгийн түрүүнд харгалзан үзэж байна.
Хэрэглэгчид орон сууц худалдан авахад 72% нь байрны үнэ, 68% нь байршил, 37% нь хийц-барилгын материал нөлөөлнө гэжээ.
Орон сууц худалдан авахад нөлөөлж буй хүчин зүйлс:
- Байрны үнэ 72%
- Байршил 68%
- Хийц-Барилгын материал 37%
- Талбайн хэмжээ-м2 31%
- Орчны тохижилт 30%
- Өрөөний зохион байгуулалт 24%
- Дэд бүтэц 22%
Орон сууцны нийлүүлэлт өрөөний тоогоор, хэрэглэгчдийн худалдан авахаар сонирхож буй өрөөний тоог зэрэгцүүлэн харьцууллаа. Орон сууцны нийлүүлэлтийн 31% нь 2 өрөө, 28% нь 3 өрөө байгаа бол, хэрэглэгчдийн хувьд 51% нь 2 өрөө, 34% нь 3 өрөө орон сууц худалдан авах сонирхолтой байна.
График 12 Орон сууцны эрэлт, нийлүүлэлт өрөөний тоогоор
2016 оны байдлаар 253 төслийн 40, 490 айлын орон сууц зарлагдсан байна. Иргэд ойрын 2 жилд багтаан орон сууцтай болох хүсэл ихтэй байна. Гэвч иргэдийн 83% нь орон сууцны ипотекийн зээлээр авах хүсэлтэй байна. Зарлагдсан орон сууцны зах зээлийн дундаж үнэ 2,058,452 төгрөг байна. Хамгийн өндөр үнэтэй орон сууц ХУД-т 4,800,000 төгрөг байгаа бол хамгийн бага үнэтэй орон сууц БЗД 1,050,000 төгрөгний үнэтэй байа.
“Барилга Эм Эн” ХХК Судалгааны алба
