Оубурны их сургуулийн Рюрал студийн оюутнууд нийгмийн амьжиргааны түвшин доогуур хэсэгт чиглэсэн хямд өртөгтэй амины орон сууцны хөтөлбөрт зориулсан төслийг санаачилжээ. Тэд үүнийг “20К төсөл” хэмээн нэрлэсэн байна. Дизайны хувьд 10 гаруй жилийн туршлагатай Рюрал студи нь хамгийн сүүлд санаачилсан энэхүү бүтээлээрээ Жеоржия мужийн Чаттахочи Хиллз дэх шинэ дүүргийн эхлэлийг тавьж, хоёр байшинг босгоод байгаа аж. “20К төсөл” нь өрхийн орлогын түвшин доогуур иргэдэд хямд байртай болох боломжийг олгоод зогсохгүй, тус сургуулийн оюутнуудын хувьд арилжааны гэрээлэгчээр ажил гүйцэтгэж, ажлын анхны туршлагыг олгох эхлэл нь болж байна.

     Рюрал студи нь уг төслийг 2005 онд эхлүүлж, 20,000 долларын өртөгтэй хямд амины сууц барих судалгааг олон жилийн турш хийжээ. Оюутнууд 1-2 унтлагын өрөөтэй байшингийн загварыг 17 төрлөөр зохион бүтээсэн байна.