Улаанбаатар хотын хэмжээнд хэрэгжиж байгаа амины орон сууцны 28 төсөл зах зээлд борлуулагдаж байгаа гэсэн тоо баримтыг гаргажээ. Эдгээрийн дундаж үнийг тоймлон гаргахад 2,100,000 төгрөг болсон байна. Өнгөрсөн оны 1-12 дугаар сар хүртэлх амины орон сууцны үнэ ханшийг харьцуулахад 2, 3-р сард бууралттай байснаа 4, 5, 6-р сард үнэ өсөж, 7-р сараас хойш дараалан буурсан үзүүлэлт гарчээ.

     Борлуулалтад байгаа дээрх амины орон сууцнуудыг байршлаар нь ангилвал, 62 хувь нь Хан-Уул дүүрэг буюу Зайсан, Туул гол, Нисэх орчим, 21 хувь нь Сүхбаатар дүүрэг буюу Бэлх, 10 хувь нь Сонгинохайрхан дүүрэг буюу Найрамдал, Баянголын ам, 7 хувь нь Баянзүрх дүүрэг буюу Гацуурт, Монгол шилтгээн орчимд байрлажээ. Харин тэдгээрийн үнэ ханшийн дэлгэрэнгүй мэдээллийг “Real Properties Ulaanbaatar” компанийн судалгааны тоймоос харна уу.