“Түрээсийн орон сууц” хөтөлбөрийг 3-р сарын нэгнээс хэрэгжүүлнэ

“Түрээсийн орон сууц” хөтөлбөрийг 3-р сарын нэгнээс хэрэгжүүлнэ
     Орон сууц худалдан авах боломжгшүй, ипотекийн найман хувийн зээлийн шаардлагыг хангаж чадахгүй байгаа, зээлийн урьдчилгаа 30 хувийг бүрдүүлэх боломжгүй нийгмийн бага, дунд орлоготой иргэдийг хамруулах зорилго бүхий “Төрийн түрээсийн орон сууц” хөтөлбөр гуравдугаар сарын нэгнээс хэрэгжиж эхлэх тухай ТОСК-ийн Ерөнхий захирал А.Гантулга “Монголын Мэдээ” сонинд өгсөн ярилцлагадаа мэдэгдлээ.

     2015 оны долдугаар сард батлагдсан уг хөтөлбөрийг хэрэгжүүлэх тогтоол нь Засгийн газрын 2016 оны нэгдүгээр сарын 12-ны өдрийн хуралдаанаар батлагдсан билээ. Хөтөлбөрийн хүрээнд нийслэл хотод 16 мянга, орон нутагт 4 мянган айлын орон сууцны барилга барихаар төлөвлөж байгаа бөгөөд иргэдийн орон сууц түрээслэн өмчлөх нөхцөлийг бүрдүүлэхээр судалгааны ажил эхлүүлээд байгаа аж.


А.Гантулга захирлын мэдэгдсэнээр “Түрээсийн орон сууц” хөтөлбөрт тав хүртэлх жилээр гэрээ хийн хамрагдах боломжтой бөгөөд иргэд хэдэн жилээр түрээслэх хүсэлтэй байгаагаа ТОСК-тай байгуулах гэрээнд тусгах ёстой юм байна. Хөтөлбөрийг төрийн түрээсийн, орон нутгийн түрээсийн, хувийн өмчийн түрээсийн орон сууц гэсэн өмчийн гурван хэлбэрээр хэрэгжүүлж, орон сууцны ашиглалтыг ТОСК хариуцах аж.

     Журмыг холбогдох яамны сайд баталсны дараа мөрдөх дотоод журмыг ТОСК баталснаар ирэх гуравдугаар сарын нэгнээс хэрэгжүүлж эхлэх боломжтой юм байна. 

Холбоотой мэдээ