Ультрасоник ХХК

“GREENPRENEUR 2015” Байгальд ээлтэй ногоон технологи нэвтрүүлэгчээр Ультрасоник ХХК шалгарлаа

Монголын Үндэсний Худалдаа Аж Үйлдвэрийн Танхимаас зохион байгуулдаг Монгол улсын нийгэм, эдийн засгийн хөгжилд бодитой хувь нэмрээ оруулж буй шилдэг аж ахуй нэгж, байгууллагууд, бизнес эрхлэгчдийг шалгаруулан өргөмжилдөг “ENTREPRENEUR-2015” шагнал гардуулах ёслолын ажиллагаа 2015 оны 12-р сарын 29-ны өдөр зохион байгуулагдлаа.

Байгаль орчинд хог хаягдалгүй, хүний эрүүл мэндэд хоргүй, аюулгүй байдлыг бүрэн хангасан сүүлийн үеийн дэвшилтэт техник, технологийг Монголын зах зээлд нэвтрүүлж, өнөөгийн нийгмийн тулгамдсан асуудлууд болох агаарын болон хөрсний бохирдлыг бууруулахад үнэтэй хувь нэмэр оруулж байгаа Ультрасоник ХХК БАЙГАЛЬД ЭЭЛТЭЙ НОГООН ТЕХНОЛОГИ НЭВТРҮҮЛЭГЧ GREENPRENEUR 2015 шагналыг хүртээд байна.

Ультрасоник ХХК-ийн Ерөнхий захирал Б.Чимэгцэцэг

Бид 2015 онд агаарын болон хөрсний бохирддлыг бууруулахад чиглэсэн 2 том төслийг хэрэгжүүлж эхэлсэн. Энэхүү хийсэн ажлуудыг маань өндрөөр үнэлэж БАЙГАЛЬД ЭЭЛТЭЙ НОГООН ТЕХНОЛОГИ НЭВТРҮҮЛЭГЧ GREENPRENEUR 2015  шагналыг олгосонд туйлын их баяртай байна. Дэлхий нийтээрээ ногоон технологийг нэвтрүүлж, хэрэглэж байгаа нь байгаль эх дэлхийгээ унаган хэвээр нь хадгалахыг гол зорилгоо болгоод байна. Бид ч гэсэн үүнтэй адил дэлхийд тэргүүлэгч фирмүүдийн ногоон технологийг Монгол улсад нэвтрүүлж, хэрэглэгч бүрийн амьдралын чанар дээшлэж, ая тухтай, үр ашигтай амьдрах нөхцлийг бүрдүүлээд байна.

Ультрасоник компани нь 2001 онд байгуулагдаж ХБНГУ-ын дэлхийд тэргүүлэгч фирмүүдийн албан ёсны дистрибьютерээр ажиллаж Монгол улсын барилгын салбарт шинэ дэвшлийг авчирч байгаа манай томоохон экспортлогчдын нэг билээ. Эрчим хүчний хэмнэлттэй, утаагүй, үнэргүй, агаар хуурайшуулахгүй цахилгаан халаалтын төхөөрөмж болох ШӨНӨ ДУЛААН ХАДГАЛАГЧ төхөөрөмж болон байгальд нэг ч бохир хаягдлыг хаяхгүй, 99 хувь хүртэл цэвэрлэдэг ахуйн цэвэрлэх байгууламж, мөн сэргээгдэх эрчим хүчний хамгийн сүүлийн үеийн халуун ус үйлдвэрлэх дэвшилтэт технологи болох ХИТ ПАМП буюу ДУЛААНЫ НАСОС-ыг нэвтрүүлсэн нь Монгол улсад агаарын болон хөрсний бохирдлыг бууруулахад үнэтэй хувь нэмэрээ оруулж, улс орны хэмжээнд шинэ технологийг нэвтрүүлсэн үйл явдал болоод байна.