Барилгын Материалын Үзэсгэлэнгийн Журам

Барилгын Материалын Үзэсгэлэнгийн Журам
“БАРИЛГА ЭКСПО-2016” ОЛОН УЛСЫН ҮЗЭСГЭЛЭНД ОРОЛЦОГЧ БАЙГУУЛЛАГУУДЫН ДАГАЖ МӨРДӨХ ЖУРАМ
2016.04.29-05.01-нд


НЭГ. НИЙТЛЭГ ЗААЛТ
1.1   Энэхүү журам нь “БАРИЛГА ЭКСПО-2016” олон улсын үзэсгэлэнд оролцогчдын эрх, үүргийг тодорхойлж, дагаж мөрдөх үндсэн зорилготой болно.
1.2   БАРИЛГА ЭКСПО-2016 олон улсын үзэсгэлэнд оролцохоор зохион байгуулагчтай гэрээ байгуулсан иргэн, аж ахуйн нэгж байгууллага дагаж мөрдөнө.
1.3   Үзэсгэлэнгийн талбайн захиалгыг баталгаажуулахдаа хамгийн түрүүнд ирж гэрээг байгуулсанаар тухайн талбайг  баталгаажсан гэж үзнэ.  Талбайг утсаар захиалга өгч гэрээг хийгээгүй тохиолдолд талбайг  хүчингүй болгож дараагийн байгууллагад шилжүүлж болно.
1.4   БАРИЛГА ЭКСПО-2016 олон улсын үзэсгэлэнгийн Орон Сууцны үзэсгэлэн нь 2016 оны 04 дүгээр сарын 29-нөөс 2016 оны 05 дугаар сарын 01-ний өдрүүдэд өглөөний 09.00 цагаас оройн 18.00 цаг хүртэл Мишээл Экспо төвд зохион байгуулагдана.
1.5      Үзэсгэлэнд оролцогч байгууллагууд нь 2016 оны 4 дүгээр сарын 29-ны 14.00 цагаас өмнө зохион байгуулагчтай холбогдох төлбөр тооцоог дуусгавар болгосон байна.
 
ХОЁР. ЗОХИОН БАЙГУУЛАГЧИЙН ЭРХ ҮҮРЭГ
2.1   “БАРИЛГА ЭКСПО-2016 Олон улсын үзэсгэлэнд оролцогчид нь бүртгэл, гэрээ, зохион байгуулалттай холбоотой асуудлаар  менежер Д.Цолмонтуяатай холбогдоно.         Утас: 99000981
2.2      Зохион байгуулагч нь үзэсгэлэнд оролцогчдын талбайн хуваарилалтын зургийг урьдчилан гаргаж, Мишээл экспо төвийн үүдэнд байрлуулсан байна.
2.3   Гэрээнд заасан төлбөрийг төлсөн тохиолдолд зохион байгуулах комиссын зүгээс оролцогчдод мандат олгоно.
 
ГУРАВ. ОРОЛЦОГЧ БАЙГУУЛЛАГЫН ЭРХ, ҮҮРЭГ
 3.1  Үзэсгэлэнгийн гэрээг www.barilgaexpo.mn сайтаас түрээсийн гэрээ гэснэ цэснээс татан авч, 2 хувь үйлдэн, захирлын гарын үсэг, байгууллагын тамга даран баталгаажуулан,  нягтрал сайтай логоны хамт зохион байгуулах комисст авчирч, гэрээг баталгаажуулан авна. Гэрээ байгуулахдаа талбайн түрээсийн урьдчилгаа 50 хувийг төлж үлдэгдэл 50 хувийг гэрээнд заасан хугацаанд төлж дуусгана. 
3.2 Талбайн хуваарилалтын зургийг Мишээл экспо төвийн үүдэнд байрлуулсан байх тул талбай засахаар очихдоо талбайн зурагтай харьцуулан баталгаажуулсны дараа засалтаа хийнэ.
3.3   Үзэсгэлэнгийн стэнд засалтыг 2016.04.27-нд эхлэж 2016.04.28-ны 18.00 цагаас өмнө дуусгана.
3.4   Үзэсгэлэнд оролцогчид үзэсгэлэнгийн 3 өдрийн турш өглөө 09:30 цагаас орой 18:00 хүртэл бүтэн ажиллах бөгөөд маргааш өдөр нь буюу 05.02-ны өдөр 09:00 цагаас 13:00 цагийн хооронд стэндээ хураана.
3.5  Үзэсгэлэнгийн танхимын дотор болон гадна талбайн гэрэлтүүлэг, зам талбайг хэвийн байдлыг гэмтээхгүй, стэндийг цоолж будахгүйгээр талбайн засалтаа хийнэ.
3.6  Үзэсгэлэнгийн гэрэл, цахилгаантай холбоотой асуудлаар “МИШЭЭЛ ЭКСПО” Төвийн захиргаатай шууд харьцана. Утас: 11-345054, 88077036
3.7   Ачаа бараа ачиж буулгахдаа үзэсгэлэнгийн байрны гадна хаалгыг таглаж зогсохгүй байх, ачааг эзэнгүй хаяхгүй байхыг анхааруулж байна.
3.8   Үзэсгэлэнгийн нээлтийн үеэр оролцогч байгууллага нь ажиллах ёстой нэг хүнийг үлдээж компаний захирал болон төлөөлөлүүд нээлтийн үйл ажиллагаанд идэвхитэй оролцоно. (Нээлтийн арга хэмжээнд шийдвэр гаргах түвшний албан тушаалтан түүний төлөөлөл заавал оролцуулна)
3.9  Үзэсгэлэнгийн өдрүүд буюу 4 дүгээр сарын 29-нөөс 5-р сарын 1-ний өдрүүдийн өглөө бүр 09.30 цагт нэг хугацаанд үзэсгэлэн гаргагчдыг зөвхөн энгэрийн тэмдгээр зааланд нэвтрүүлэх тул эхний хүн цагтаа ирж стэндээ нээсэн байна.
3.10 Үзэсгэлэн дуусах өдөр оролцогчид хариуцсан талбайн хог хаягдлаа бүрэн гүйцэт цэвэрлэж байгууллагынхаа нэр хүндийг бодолцон соёлтой оролцоно.
3.11 Үзэсгэлэн дуусаны дараа овор хэмжээ ихтэй хог хаягдлыг Мишээл экспогийн гаднах хогийн цэгт хаяна.
ДӨРӨВ.  БУСАД
4.1   Үзэсгэлэнд оролцогчид нь өөрсдийн бараа бүтээгдэхүүний аюулгүй байдлыг хангана.
4.2  Үзэсгэлэнгийн явцад иргэн байгуулагад хохирол учирсан тохиолдолд буруутай этгээд хариуцан арилгана.
4.3  Оролцогч байгууллагууд нь зохион байгуулах комиссын зүгээс тавьсан хууль ёсны шаардлагыг биелүүлж, хамтран ажиллана.
 
 
 “БАРИЛГА ЭКСПО-2016” ОЛОН УЛСЫН ҮЗЭСГЭЛЭН
ЗОХИОН БАЙГУУЛАХ КОМИСС
 
 
Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.