“Барилга Экспо 2016” олон улсын үзэсгэлэнгийн хүрээнд зохион байгуулагддаг “Барилгын материал” үзэсгэлэн 4-р сарын 29-нөөс 5-р сарын 1 хүртэл Мишээл Экспо төвд болох гэж байна.

     Энэ нь барилгын материалын үйлдвэрлэлийг өргөжүүлэх, гадаад, дотоодын хөрөнгө оруулалтыг дэмжих, бизнес эрхлэгчид худалдан авагчдын хоорондын харилцаа холбоог ойртуулах, хамгийн сүүлийн үеийн шинэ бүтээгдэхүүн, дэвшилтэт техник технологийг сурталчлах гээд олон талын ач холбогдолтой, жил ирэх тусам оролцогчдын тоо нь өсөн нэмэгдэж буй үзэсгэлэн арга хэмжээ юм.

     Аж ахуйн нэгж байгууллагууд энэхүү үзэсгэлэнд оролцсоноор гадаад, дотоодын 120 гаруй аж ахуйн нэгжтэй мөр зэрэгцэн өөрийн бүтээгдэхүүнийг зорилтот хэрэглэгчдэд нь хүргэх, хөрөнгө оруулагч, түнш хамтрагчтай болох, бизнесийн цар хүрээгээ өргөжүүлэх боломжийг эрэлхийлэх чухал ач холбогдолтой.

     Харин хэрэглэгч, худалдан авагчдын хувьд тухайн жилийн барилгын материалын үнэ ханш, чиг хандлагын талаарх ойлголттой болоод зогсохгүй, Орос, Япон, Чех, Итали, Герман, Хятад, Солонгос, Польш, Финлянд болон дотоодын барилгын материал үйлдвэрлэгчдийн бүтээгдэхүүнүүдийг нэг дороос үзэж сонирхон, худалдан авах боломжтой.

“Барилгын материал” үзэсгэлэнд:

Бизнес эрхлэгч, үйлдвэрлэгч, худалдан авагч болоод хөрөнгө оруулагчдыг нэгэн дээвэр дор цуглуулж, тэдний харилцаа холбоог холбогч гүүр нь болсон тус үзэсгэлэнд та бүхнийг өргөнөөр оролцохыг урьж байна.
 
Талбайн захиалга хариуцсан ажилтан: Д.Цолмонтуяа
Утас: 99000981, 70113333
И-мэйл: tsolmontuya@barilga.mn, expo@barilga.mn
 
 
“БАРИЛГА ЭКСПО 2016” Олон улсын үзэсгэлэн зохион байгуулах комисс