Барилгын салбарын мэдээ мэдээллийг цаг алдалгүй уншигч та бүхэнд хүргэж байдаг “Барилга.МН” сэтгүүлийн 2015 оны отгон дугаар шинэлэг өнгө дизайнтайгаар худалдаанд гарлаа. Бид сантехник угсралтын сэдвийг онцолж, энэ чиглэлээр үйл ажиллагаа явуулдаг “Хүрд” ХК-тай ажил амьдралаа холбосон Б.Энхжаргалын тухай хөрөг нийтлэл, сантехник угсралтын мэргэжлийн зөвлөмж, ахуйн хэрэглээний талаарх сонирхолтой мэдээллүүдийг бэлтгэн хүргэж байна.

     Түүнчлэн төрийн бус мэргэжлийн байгууллагуудын томоохон төлөөлөл болсон Барилгын хөгжлийн үндэсний нэгдсэн төвийн ТУЗ-ийн дарга Г.Мягмар, Монголын барилгачдын холбооны ерөнхийлөгч М.Батбаатар, Өргөх, тээвэрлэх машин төхөөрөмжийн үндэсний холбооны тэргүүн Г.Батсайхан нартай хийсэн Барилгын тухай хуулийн шинэчилсэн найруулгын талаарх ярилцлага, НӨАТ-ын урамшууллаа хэрхэн авах тухай зөвлөмж зэргийг зөвхөн “Барилга.МН” сэтгүүлээс унших боломжтой.



     Мөн орон сууцны талбайн ам метрийн зөрүүний асуудалд төрөөс тусгайлан анхаарал хандуулах шаардлагатай байгаа тухай асуудал хөндсөн нийтлэл, өрхийн орлогын сегментчилэлээр орон сууц худалдан авах боломжтой иргэдийг тодорхойлсон “REMAX” байгууллагын судалгаа, бетон шалны дэвшлийг авчирсан Лидойд Флор өнгөлгөө, сантехникийн дэвшилтэт технологи нэвтрүүлэгч “MSN” компанийн тухай сурвалжлага, Монгол Улсын зөвлөх архитектор, доктор (Ph), профессор Ч.Дагшигдоржийн “Өнгөцхөн харвал хот гэж нэг иймэрхүү...” нийтлэлийг хүлээн авч уншаарай.



     Уламжлал ёсоор шинэ орон сууцны төслүүдийн мэдээлэл, барилгын материал, ажлын хөлсний үнэ ханш, шинэ жилийн мөрөөдлийн интерьерийн шийдлийг харуулсан сонирхолтой мэдээллүүд ч энэ удаагийн дугаарт багтсан. Барилгын салбарт өрнөсөн үйл явдлын талаар жиргээчдийн шивнэсэн үгс, архитектор Г.Очирдоржийн гайхамшигт “Анкор Ват”, 2015 онд энэ салбарт нэвтрүүлсэн дэвшилтэт таван технологи, Хонконг орон сууцны үнийн түвшингээрээ дэлхийн томоохон хотуудыг ардаа орхисон тухай, Азийн хотуудад орон сууцны үнэ ханш ямар байгаа талаарх олон сонирхолтой мэдээллийг бэлтгэн та бүхэнд хүргэж байна.