Газрыг үнэгүй аваад түүнийгээ өндөр үнээр худалдах, төсөл нэрийдлээр танил талдаа газар эзэмшүүлэх явдал цөөнгүй гарч байгаатай холбогдуулан Газар эзэмших, ашиглах эрхийн дуудлага худалдааны анхны үнийг тодорхойлох аргачлалыг шинэчлэхээр болжээ. Түүнчлэн нийт нутаг дэвсгэрт газрын ижил үнэ тогтоосон нь улсын зэрэглэлтэй хотуудын ойр оршдог аймгуудын хувьд хямд үнэтэйгээс гадна байршил сайтай, үр ашигтай газрын үнийг хэт багаар тогтоох явдал гарч байгаа зэрэг асуудлаас шалтгаалан ийнхүү Барилга, хот  байгуулалтын яамнаас уг аргачлалыг шинэчлэх шаардлага тулгарч байгаа аж.

Тухайлбал:

Нийслэлийн 1мкв газрын суурь үнэлгээ 44,000 төгрөг.                                                                          44.000Т/мкв * 4*500мкв= 88.000.000 төгрөг

Өвөрхангай аймгийн Бат-Өлзий сумын 1мкв газрын суурь үнэлгээ 800 төгрөг 800Т/мкв*1,2*800мкв=768.000 төгрөг

     Дээрх газрын суурь үнэлгээ нь 1997 онд ЗГ-ын 152 дугаар тогтоолоор батлагдсан юм байна. Мөн хуучин мөрдөж байгаа аргачлал нь 2010 онд батлагдсан учраас одоо газар эзэмших ашиглах эрхийн дуудлага худалдааны анхны үнийг зах зээлийн жишигт нийцүүлэн тогтоох шаардлагатай болсон гэж үзэж байгаа юм байна.