БНХАУ-ын Ляонин мужийн Жунда групп нь Монгол улсын зах зээлд хамтран ажиллах түнш хайх, өөрийн бүтээгдэхүүн, үйл ажиллагааг сурталчилах зорилгоор 2015 оны 9 сарын 11-12ны өдрүүдэд “Жунда группын өдөрлөг-үзэсгэлэн” арга хэмжээг МҮХАҮТ-ын 1 давхарын үзэсгэлэнгийн танхимд зохион байгуулах гэж байна.  

Жунда грүпп нь хөнгөн цагаан, ган хайлш,хуванцар үйлдвэрлэл, үл хөдлөх хөрөнгө, вакуум хаалга, цонхны үйлдвэрлэл, шатахуун түгээх станцын тоног төхөөрөмж, машин механизм, ган төмрийн худалдаа, үйлдвэрлэл,цахим технологи, ажлын хувцасны засвар болон зохион бүтээлт, ландшафт, ногоон байгууламжийн дизайн зэрэг чиглэлээр үйл ажиллагаа явуулж байгаа нийт 12 охин компанитай Ляонин мужийн томоохон групп юм.

Жунда Хөнгөн цагааны компани нь Аньшань хотын Дадаовань аж үйлдвэрийн цогцолборт 150000 кв.км талбайд үйлдвэрлэл эрхэлдэг бөгөөд нийт 2000 гаруй ажиллагсадтай тус группын нэг охин компани юм.Тус компани нь жилд 2 тэрбум юань өртөг бүхий барилгын материалын бүтээгдэхүүн үйлдвэрлэдэг,дотоодод хамгийн томд тооцогдох 400 гаруй хамгийн сүүлийн үеийн дэвшилтэт үйлдвэрлэлийн шугам (хөнгөн цагаан хайлшин бүтээгдэхүүн үйлдвэрлэх иж бүрэн шугам), 30 гаруй хайлш хийц үйлдвэрлэх тоног төхөөрөмж суурилуулсан. БНХАУ-ын өндөр нэр хүндтэй Нанжин хотын Технологи,инженерийн их сургуультай хамтран ШУ,судалгааны зохион бүтээх төв байгуулж Зүүн хойд хятадын хөнгөн цагаан хайлшийн  хамгийн том туршилтын төв,Герман, Япон зэрэг орны олон улсын хэмжээнд нэр хүндтэй судалгааны багтай хамтран ажиллахын зэрэгцээ БНСУ-ын LG компанийн шинэлэг технологи нэвтрүүлэн төрөл бүрийн загварын хөнгөн цагаан бүтээгдэхүүн үйлдвэрлэж байна.

Ляонин Жунда Хөнгөн цагаан компани нь олон жилийн турш бүтээгдэхүүний чанарыг эн тэргүүнд тавьж, харилцагчийн хүсэл бүхнээс илүү чухал хэмээн уриалж худалдан авагчдад өндөр чанарын бүтээгдэхүүн болон үйлчилгээ нийлүүлж ирсэн. Сүүлийн жилүүдэд гадаад дотоодын нэр хүндтэй томоохон аж ахуй нэгжүүдтэй урт хугацааны стратегийн түншлэлийн харилцаа тогтоож 1200 гаруй борлуулагч- харилцагчидтай ажиллаж, Европ, Америк, Африк, Зүүн өмнөд ази, Монгол, Япон зэрэг орны зах зээлд өөрийн бүтээгдэхүүнийг экспортолж эхлээд байна.

Иймд уг компанийн бүтээгдэхүүнийг сонирхсон,уулзалт хийж танилцах хүсэлтэй аж ахуйн нэгжүүд хүрэлцэн ирж уг арга хэмжээнд оролцохыг урьж байна.

Энэ удаагийн үзэсгэлэн арга хэмжээнд вакуум хаалга,цонхны материал,хайлшин материал,үйлдвэрлэлийн зориулалттай хөнгөн цагаан хайлшин материалууд зэрэг бүтээгдэхүүнээ дэлгэн үзүүлэх болно.

Дэлгэрэнгүй мэдээлэл авах шаардлагатай бол дараах хаягаар холбоо барина уу. 
МҮХАҮТ,ГХ,ХАГазар Г.Жигжидсүрэн - 99080791   312501
Б.Мөнх-оргил - 99591179  312501
Цахим шуудан: jigjidsuren@mongolchamber.mn ; slim_moojig@yahoo.com