Сургуулийн өмнөх боловсролын хүртээмж, хамран сургалтыг нэмэгдүүлэх зорилгоор нийслэлийн нутаг дэвсгэрт шинээр баригдсан нийт 660 хүүхдийн багтаамж бүхий улсын таван цэцэрлэгт улсын дугаар олгож, сургалтын үйл ажиллагаа эрхлэх тусгай зөвшөөрөл олголоо.

     Шинээр байгуулагдсан дээрх цэцэрлэгүүдийн барилгыг нийслэлийн өмчид бүртгэн авах, сургалт эрхлэх тусгай зөвшөөрлийн гэрчилгээ олгож, цэцэрлэгийн удирдлагыг хуулийн дагуу сонгон шалгаруулж, бүтэц орон тоо, үйл ажиллагаанд нь шаардагдах төсвийг боловсруулж, төсөвт тусган, цэцэрлэгүүдийн хэвийн үйл аижллагааг хангаж ажиллахыг холбогдох газруудад нь үүрэг болгосон тухай Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
 

№	Дүүрэг	Хороо	Цэцэрлэгийн хүчин чадал	Цэцэрлэгийн дугаар
1	Чингэлтэй	8	120	231
2		16	150	232
3		18	150	233
4	Сүхбаатар	10	240	234
5	Багануур	1	100	235
	Нийт	5	660	-