Орон сууцны хямдрал, урамшуулалтай худалдааг нэг дороос

Орон сууцны хямдрал, урамшуулалтай худалдааг нэг дороос
     Шинэ орон сууц, амины сууц болон барилгын материал, дэвшилтэт технологийн хамгийн том үзэсгэлэн яармаг “Барилга Орон Сууц 2015” өнөөдөр Мишээл Экспо төвд эхэлж байна.

     Монгол Улсад Барилгын салбар үүсч хөгжсөний 89 жилийн ойн баярт зориулан "Бүтээн Байгуулагчдаа Дэмжье" уриан дор явагдаж буй тус үзэсгэлэн 2015 оны 8-р сарын 21-нээс 23-ны өдрүүдэд үргэлжлэх юм. 2015 он, 2016 оны эхэн үеийн орон сууцны зах зээлийн өнгө төрх, үнэ ханшийг тодорхойлох чухал ач холбогдолтой энэхүү үзэсгэлэнд шинэ төсөл хэрэгжүүлэгч, барилгын материал үйлдвэрлэгч, дэвшилтэт технологи нэвтрүүлэгч 120 гаруй аж ахуйн нэгж оролцож байна.

    Үзэсгэлэнд хүрэлцэн ирснээр та бүхэн иргэдийг орон сууцжуулах хөтөлбөрийн хүрээнд баригдаж байгаа болон ипотекийн 8 хувийн зээлд хамрагдахр боломжтой 80 гаруй орон сууцны төслийн мэдээллийг авах боломжтой.

     Оролцогч аж ахуйн нэгж, байгууллагуудын зүгээс иргэдэд төлбөрийн уян хатан нөхцөлтэй, хямд энгийн болон болон бизнес, тансаг зэрэглэлийн бүх төрлийн орон сууцыг танилцуулна.

     Тухайлбал, хонжворт сугалаатай, төлбөрийн нөхцлийг хөнгөвчилсөн урамшуулалт худалдаа явуулж буй “Хийморь 13”, “Elegance Luxury”, “Энхжин”, “Elizabeth”, “Ивээл”, “Саруул”, “Аман Хуур 2”, “Хар хорин” зэрэг төсөл хөтөлбөртэй танилцах боломжтой.

     “Миний гэр” хорооллоос “Soho Mebel” дэлгүүрийн 1,200,000 төгрөгийн тавилга сонгох, “Morning Star Residence” хотхоноос иж бүрэн тавилга, гэр ахуйн цахилгаан бараа, “Ивээл” хотхоноос гал тогооны тавилга, ус цэвэршүүлэгч бэлгэнд авах гээд олон олон сюрпризийг оролцогч компаниуд худалдан авагчиддаа барьж байна.

     Мөн төлбөрөө зуун хувь төлбөл 10 хувийн хөнгөлөлтийг “Morning Stars Residence”, үзэсгэлэнгийн өдрүүдэд 1 сая төгрөг төлөөд гэрээ хийх боломжийг “Шинэ Толгойт” орон сууцжуулах хөтөлбөр, 1 сая төгрөгийн цахилгаан бараа авах эрхийг “Шинэ Мөрөөдөл” хотхоноос худалдан авагчиддаа олгоно.

     Харин “MyTown” хорооллоос орон сууц худалдан авбал хонжворт сугалаанд оролцож, гадаадад аялах эрхийг бичиг хожих боломжтой аж. Хонжворын эзэд Европын аялалд нэг хүн, Дубайн аялалд нэг хүн, Жежүгийн аялалд хосоороо аялах эрхийн бичгээр шагнуулна.

     Үзэсгэлэн амралтын өдрүүдийг дуустал үргэлжлэх тул та бүхэн амжиж ирээрэй.
 

Холбоотой мэдээ