Төрийн орон сууцны корпораци болоод  Цагдаагийн Ерөнхий газрын удирдлагууд  хамтран ажиллах санамж бичигт гарын үсэг зуржээ. Ингэснээр цагдаагийн байгуууллагын хот хөдөөгийн нийт 1000 албан хаагч орон сууцтай боломжоор хангагдаж байгаа аж.  Төрийн орон сууцны корпораци нь Буянт-Ухаа1 хорооллыг өнгөрсөн жил ашиглалтанд хүлээлгэн өгсөн бол одоо “Буянт-Ухаа2” хорооллыг амжилттай барьж байгуулаж байгааг уншигчид андахгүй биз ээ.  Монгол улсын Засгийн газрын 2006 оны 37 дугаар тогтоолоор “Орон сууцны үндэсний төв”-ийг байгуулахаар шийдвэрлэж Барилга, хот байгуулалтын сайдын 2006 оны 03 дугаар сарын 17 өдрийн 32 тоот тушаалаар анх уг байгуулагдаж бага дунд орлоготой иргэдийг орон    сууцжуулах бодлогын хүрээнд гаргасан Засгийн газрын “40 000 орон сууц” хөтөлбөрийг эхлүүлэх бэлтгэл ажлыг хангасан байдаг.  Мөн оны 08 дугаар сарын 23-нд Монгол улсын Засгийн газрын 2006 оны 200 дугаар тогтоолоор “Орон сууцны санхүүжилтийн корпораци” ХХК-г байгуулах шийдвэр гарч Барилга, хот байгуулалтын сайд, Сангийн сайд,                Нийслэлийн Засаг дарга бөгөөд Улаанбаатар хотын захирагчийн 2006 оны 11 дүгээр сарын 16 өдрийн хамтарсан 196/372/567 тоот тушаал,захирамжаар “Орон сууцны санхүүжилтийн корпораци” ХХК-ийг 2006 оны 10 дугаар сарын 17-ны өдөр байгуулсан түүхтэй.   Засгийн газрын 2012-2016 оны үйл ажиллагааны хөтөлбөрийг хэрэгжүүлэх, төрөөс иргэдийг орон сууцаар хангах ажлыг эрчимжүүлэх зорилгоор Монгол улсын Засгийн газрын 2013 оны 07 дугаар сарын 06 өдрийн 253 дугаар тогтоолоор Орон сууцны санхүүжилтийн корпорацийн нэр болон дүрмийг өөрчилж хөрөнгийг балансаас балансад шилжүүлэх замаар “Төрийн орон сууцны корпораци” нэртэйгээр үйл ажиллагаагаа явуулахаар болж, Засгийн газрын шууд удирдлагад ирсэн байдаг.