Нийслэлд нийт 24 байршил, 75 хэсэгчилсэн талбайд 38 аж ахуйн нэгж гэр хорооллын дахин төлөвлөлтийн төсөл хэрэгжүүлж байна. Энэ нь нийслэлийн гэр хорооллын нийт нутаг дэвсгэрийн 14 хувь, иргэдийн 9 хувийг хамарч байгаа юм.
     Өнөөдрийн байдлаар Нийслэлийн Баянзүрх дүүргийн найм, 16 дугаар хороонд Гэр хорооллыг орон сууцжуулах хөтөлбөрийн хүрээнд 144 өрх орон сууцандаа орлоо. Тус орон сууцыг “Баганат Өргөө” компани барьж байгаа бөгөөд дээрх хороодын нутагт 3214 айлын орон сууц, 1680 хүүхдийн  сургууль, 840 хүүхдийн багтаамж бүхий цэцэрлэгийг барьж ашиглалтад оруулах аж. Тус компанийн хэрэгжүүлж байгаа төсөл нийт 51 га газрыг хамарч байгаагаас 40 хувийг ногоон байгууламж бүрдүүлэх гэнэ.
      Гэр хорооллын дахин төлөвлөлт төсөл хэрэгжсэнээр нийслэлийн агаарын бохирдол 15 хувь, тоосжилт 14 хувиар буурахаас гадна шинээр нийт 24 орон сууцны цогц хороолол бий болох юм.