Дэлхийн хамгийн чанга дэглэмтэй хорих анги Германд байдаг гэж ярих нь бий. Хүн гэгч өөрийнхөө үзэж хараагүй зүйлд байнга дурладаг хойно Германы тэдгээр хорих газруудтай танилцахыг хүсэх хүмүүс олон байдгаас 2007 онд нэгэн шорон зочид буудлыг ашиглалтанд оруулжээ.
 1867 оны үед анх удаа баригдаж байсан Алкатраз  /Alcatraz/ шорон өнөөдрийг хүртэл ашиглагдаж байсан барилга архитектурын гайхалтай бүтээлүүдийн нэг юм.
Хотын шорон байсан Alcatraz нэртэй энэ зочид буудал нь Европ тив дэхь хамгийн том зүүн азийн өнгө төрхийг илэрхийлсэн япон маягийн цэцэрлэгт хүрээлэнгийн ойролцоо байрладаг бөгөөд гяндан маягийн засалтай болон энгийн өрөөгөөр үйлчилдэг ажээ. Сараалжин төмөр цонхтой, дотроо угаалтуур, 00 бүхий гяндан маягийн засал чимэглэлтэй өрөөнд тухалсан зочид тухайн үеийн жинхэнэ хоригдлуудын хийсэн орон дээр унтаж, хэрвээ үйлчлүүлэгч хүсвэл шоронгийн хаалганы жижиг нүхээр хоол ундыг нь зөөж үйлчилдэг байна. Гэхдээ энэхүү гяндан маягийн өрөөг ямар ч орчин цагийн тоноглолгүй гэж бодвол эндүүрэл, эдгээр өрөөнүүд нь утасгүй интернэт ашиглах боломжийг бүрэн хангасан байдгаас гадна орчин үеийн тавилгатай  тохилог өрөөнүүд ч бий.
Дашрамд сонирхуулахад энэхүү зочид буудлын адил тохижилттой буудлууд Япон, Солонгост бас баригдсан гэнэ.