Зөгийн үүрэн барилга

Зөгийн үүрэн барилга
       Zaha Hadid Architects архитекторын компани Төв Америкт хэрэгжүүлж буй анхны төслөө танилцуулжээ. Зөгийн үүрнээс санаа авч зохион бүтээсэн  уг төсөл нь Мексикийн Монтеррейд баригдах орон сууцны хорооллын төсөл юм. "Esfera City Center" нэртэй уг төсөл нь Мексикийн уран барилгын хөгжлийг харуулахаас гадна нарны эрчим хүчийг ашиглах, салхины нөлөөллийг бууруулах зорилготой гэнэ.


      Хуажоко хавцлаас холгүй, Монтеррей хотын баруун урд хэсэгт баригдах энэхүү цогцолбор нь дөрвөн унтлагын өрөө бүхий нийт  981 нэгж орон сууцнаас бүрдэх юм. Цогцолборын төв хэсэгт гайхалтай цэцэрлэгт хүрээлэн байрлах ба барилгын гадна фасад нь эрчим хүчний үр ашигтай, тагтнуудын хувьд салхины нөлөөллийг буурулах зорилгоор матриц байдлаар төлөвлөгдсөн.


      Цогцолборын нэгдүгээр давхарт нийтийн номын сан, фитнесс, алжаал тайлах төв гээд хөршийн холбоог сайжруулах, хүмүүсийг нэгтгэх зорилготой олон газрыг төлөвлөж өгсөн. Эдгээр газрууд нь орчны зохион байгуулалтаар  дамжуулан гэмт хэргээс урьдчилан сэргийлэх төрийн бодлоготой нийцэж байгаа талаар архитекторууд дурджээ. Энэхүү бүтээн байгуулалтад орон нутгийн хөгжлийн 353 нэгж анхаарлаа хандуулж байгаа бөгөөд 2018 онд ашиглалтанд орох гэнэ.
 









Холбоотой мэдээ