Барилгын салбарын амин чухал хууль болох Барилгын тухай хуулийг 1998 онд анх УИХ-аар батлуулж, 2008 онд шинэчлэн найруулснаас хойш дахин шинэчлэх тухай асуудал нэлээд эртнээс яригдсан ч өнөөдрийг хүртэл хойшлогдсоор байсан билээ. Шийдлийн засгийн газар ажил авснаас хойш уг ажлыг яаравчлуулж, Барилгын тухай хуулийн 3 дахь шинэчилсэн найрууллагыг батлуулах нь бололтой. Учир нь өчигдөр  хуулийг шинэчлэн найруулах ажлын хэсгийнхэн уг хуулиа Засгийн  газраар оруулсан бөгөөд УИХ-аар хэлэлцүүлэхийг ихэнх гишүүд дэмжсэн байна. Ингэснээр Барилгын тухай хуулийг энэ намрыг чуулганаар хэлэлцэх нь бололтой.