Таны өмнөөс бид тооцъё

Таны өмнөөс бид тооцъё
"Барилга.МН" сэтгүүл №58 дугаарт  67,9 м/кв талбай бүхий амины орон сууцны төсвийг танилцуулахаар бэлдлээ. Манай редакцид магадгүй хамгийн их ирдэг саналыг нэг энэ  байж мэднэ. Төдийлөн барилгын төсөв, үнэ бүрдэлийн талаар сэтгүүлдээ оруулаад байдаггүй нь аливаа барилгын төсөв тухайн барилгад ашиглагдах материалын сонголтоос шалтгаалан харилцан адилгүй байхаас гадна барилга баригдах газар, хөрсний байдал, инженерийн холболт зэргээс шалтгаалан төсөв өөр өөр байдгаас тэр юм. Энэ удаа уншигч та бүхэнд СИП хавтангаар 67,9 м/кв амины орон сууц барихад дундажаар хэдэн төгрөг байхыг тооцоолон гаргасныг хүргэж байна.
Сип хавтан нь  1930-аад оны үеэс барилгад ашиглагдаж ирсэн бөгөөд  Полиуретан хөөсөн дулаалгатай хавтан буюу олон улсын нэршлээр SIP –structural insulated panel  нь манайд СИП хавтан хэмээн нэрлэж заншжээ.
Мэргэжлийнхэн  СИП хавтангийн дулаан хадгалах чанарыг бусад материалуудтай  харьцуулаж үзэхэд  2.5 см зузаан полиуретан хөөс нь 6 см зузаан дулаалгын цагаан полистирол хөөс, 65 см зузаан тоосгон ханатай яг ижил үзүүлэлттэй гарсан байдаг.

Харин манай дотоодын үйлдвэрлэгч “Сутайн- Ач” ХХК нь барилгын итгэмжлэгдсэн лабораторийн дүгнэлтийн дагуу 8-10 см зузаан полиуретан хөөсөн дулаалгатай, 122х244 см стандарт хэмжээтэй гадна ханын СИП хавтанг захиалгаар үйлдвэрлэн нийлүүлж  байгаа билээ. Мөн захиалагчдын хүсэлтээр 5-10 см хүртэл зузаантайгаар OSB хавтангаас өөр төрлийн стандарт хэмжээтэй өнгөлгөөтөй  хавтанг үйлдвэрлэх боломжтой юм.  СИП хавтанг дулааны алдагдал багатай орон сууц, үйлчилгээний барилгууд барихад ашиглахаас гадна орон сууцны өндөр барилгуудад хямд, хөнгөхөн, дуу тусгаарлах чадвар өндөр, даац авах чадвартай талыг нь үнэлэн өрөө хоорондын тусгаарлалтын хананд өргөн ашигладаг байна.
 
 67.9 мкв талбайтай мансардтай энэ байрны хувьд гадна ба дотор тусгаарлалтын хана, давхар хоорондын хучилт, таазны хучилт нь СИП хавтан байхаар тусгаж тооцоо хийсэн. Гадуур худалдаанд байгаа цонх, хаалгануудын  дундажаас ялимгүй дээгүүр үнэтэйг сонгосон бөгөөд хэрэглэгч таны сонголтоос шалтгаалан аливаа барилга, байшингийн үнэ өөр байдаг талаар дээр сануулсан билээ.

Мөн энэ тооцоонд байшин нь цонх,  хаалга, дотор хана,хучилт дээвэртэй битүү торх байдлаар тусгагдсан гэдгийг давхар хэлэх нь зүйтэй.
Захиалагчдын материалын сонголтоос хамаарч гадна,  дотор заслын өртөг, цахилгаан сантехникийн холболт, халаалтын системийн зардал нэмэгдэнэ. Яг энэ байдлаар СИП хавтангаар уг байшинг босгоход 1 мкв нь 710 мянга орчим болж байгаа юм.
    Тооцоон дээр зөвхөн ханын болон давхар хоорондын, мөн таазны хучилтын СИП хавтангын тооцоог тусад нь өөр өнгөөр онцолж өгөв. /Тооцооллын хүснэгтээс харна уу?/
Аж ахуйн нэгжүүд болон иргэд өөрсдийн санаанд нийцсэн шаардлагатай СИП хавтангаа захиалгаар хийлгэвэл илүү хямд үнэтэй байдаг талаар “Сутайн- Ач” ХХК-ийн хамт олон онцолж байсан. Эднийх гэр хороололд СИП хавтангаар амины орон сууц барихдаа түлхүүр хүлээлгэж өгөх нөхцөлтэйгээр буюу гадна, дотно засалтай байшинг 1м/кв-ийг нь 750 мянга орчим төгрөгт хийж гүйцэтгэдэг. Харин инженерийн холболттой нь хамтад нь хийхээр бол  1.2-1.8 сая орчим төгрөгөөр хийдэг байна. Мөн 300 м/кв-аас  дээш захиалгад тусгай хөнгөлөлт олгодог гэнэ.
                           Суурь, шалны зардал    
         
Материалын нэр Хэмжих нэгж Нийт Нэгж үнэ Нийт үнэ
Бетон зуурмаг мкуб 7.1424        135,000          964,224
Арматур тн 2    1,500,000       3,000,000
Бэхэлгээ боодол 1        150,000          150,000
Шалны дулаалга мкв 55.354             5,000          276,768
Шалны бетон мкуб 5.5354        135,000    747,273.60
Нийт              5,138,266
 
                                         1 давхар.Гадна ба дотор ханын зардал  
           
Ханын Материал Нэгж Нийт Нэгж үнэ Нийт үнэ СИП хавтангын үнэ
1давхарын ханын хавтан, таазны өндөр 3м мкв           75      80,000     6,022,400         6,022,400
Өрөөний ханын хавтан мкв           33      70,000     2,310,000         2,310,000
1 давхарын цонх мкв           10    125,000     1,250,000  
1давхарын хаалга мкв             2    150,000         300,000  
Босоо карказ банз мкуб         0.6    400,000         240,000  
Хэвтээ карказ банз мкуб       0.40    400,000         160,000  
Давхар хоорондын хучилт СИП хавтан мкв           52      80,000     4,188,288         4,188,288
Хучилтын карказ банз мкуб             1    400,000         200,000  
Босоо карказ палк ш             8      30,000         240,000  
ПУ хөөс ш           20        6,500         130,000  
Шруп боодол           40        7,000         280,000  
1 давхарын ханын материалын үнэ         15,320,688       12,520,688
 
 
                                                          2 давхар.Гадна дотор ханын зардал  
           
Ханын Материал Нэгж Нийт Нэгж үнэ Нийт үнэ СИП хавтангын үнэ
Мансардны давхарын ханын хавтан, ханын өндөр 1.2 м мкв        39      80,000      3,080,000        3,080,000
Өрөөний ханын хавтан мкв        32      70,000      2,240,000        2,240,000
2 давхарын цонх мкв          4    125,000         500,000  
2 давхарын хаалга мкв          4    150,000         600,000  
Босоо карказ банз мкуб       0.6    400,000         240,000  
Хэвтээ карказ банз мкуб    0.20    400,000            80,000  
Дээврийн хучилт СИП хавтан мкв        96      80,000      7,680,000        7,680,000
Дээврийн налуу цонх мкв          4    125,000         450,000  
Хучилтын карказ банз мкуб          1    400,000         200,000  
Босоо карказ палк ш          8      30,000         240,000  
ПУ хөөс ш        20         6,500         130,000  
Шруп боодол        40         7,000         280,000  
Нийт ханын материалын үнэ         15,720,000      13,000,000

Илүү дэлгэрэнгүйг "Барилга.МН"  сэтгүүлээс
 

Холбоотой мэдээ