Гүржийн ерөнхийлөгч Михайл Саакашвали шинээр хот байгуулах тухай шийдвэрийг 2011 онд гаргасан. Нийслэл Тбилис хотын өнгө төрхөөс эрс өөр, хоёр дахь нийслэл хот байгуулах Ерөнхийлөгчийн шийдвэр тун удахгүй биеллээ олж, Хар тэнгисийн эрэг дээрх Лазика хот анхны барилга 2 жилийн өмнө хүлээн авсан юм. Хамгийн гайхалтай нь өвөрмөц шийдэл бүхий энэхүү барилгыг Гүржүүд ердөө 168 хоногт барьж дуусгасан гэж олон улсын эх сурвалжууд мэдээлжээ. 
тус хотын захиргааны ажилтан албан хаагчдад зориулсан энэхүү барилга нь шинэ хотын анхны барилга учраас загвар хийцийн хувьд хүний анхаарлыг татахуйц өвөрмөц содон байхаас гадна тэнд очиж амьдрах сэтгэгдэл төрүүлэхүйц байх ёстой гэж үзсэн үүднээс үндэсний архитекторууд зураг төслийг ихэд нухацтай боловсруулсан гэдэг.