Төмөр байшин

Төмөр байшин
     Япон улсын Ямагата мужид байрлах нэгэн өвөрмөц байшинг сонирхуулахаар бэлтгэлээ. Энэхүү байшингийн зураг төслийг залуу гэр бүлүүдэд зориулж архитекторын I.R.A. клуб зохион бүтээсэн бөгөөд уг байшинд 2 гэр бүл оршин суухаар төлөвлөжээ. Гаднаасаа нэг давхар мэт харагдахаар хийцлэл бүхий уг байшин нь Японы орчин үеийн уран барилгын нэгэн жишээ болохуйц бүтээл болж чадсан байна.
      Байшингийн дээвэр тэгш бус, харилцан адилгүй өндөртэй байгаа ч энэ нь гайхалтай дотор засалд саад болоогүй. Цас их ордог цаг агаарын нөхцөл байдлаас шалтгаалж ган хуудсаар байшинг бүхэлд бүрж өгчээ. Тэгш бус хэмтэй тааз, модон шал, таазан дахь лааны суурь зэрэг нь өрөөний зохион байгуулалтыг сайжруулах энгийн хэрнээ үр дүнтэй арга болох талаар зохион бүтээгчид нь ярьсан байна. 

Холбоотой мэдээ