Барилгын зөвлөгөө мэдээллийн төв, “Барилга.МН-ээс “Барилга-Экспо” олон улсын үзэсгэлэн яармагийн 8 дахь жилдээ амжилттай зохион байгууллаа. Жил бүрийн хавар уламжлал болон зохион байгуулагдсан энэхүү үзэсгэлэн урьд өмнөх жилүүдийн адил цуврал болон зохиогдсон. Үзэсгэлэнгийн эхний хэсэг болох  “Барилгын материалын үзэсгэлэн” 4-р сарын 24-27”ны өдрүүдэд, удаах хэсэг “Үл хөдлөх хөрөнгө” орон сууцны үзэсгэлэн 5-р сарын 1-3-ны өдрүүдэд үргэлжлэв. Барилгын салбарын нийт 250 гаруй аж ахуйн нэгж оролцсон уг үзэсгэлэн яармагт салбарт хамгийн сүүлийн үед нэвтрээд байгаа  шинэ технологийн  сантехникийн болон цахилгааны материалууд, гадна, дотно заслын материал, үнэргүй будаг, шингэн обой, хонины ноосон дулаалга, шинэ орон сууц, амины орон сууц, ланпшафт тохижилт зэрэг 1000 гаруй нэр төрлийн материал дэлгэгдлээ.
     Мөн нийслэл хотод баригдаж ашиглалтанд орсон болон баригдаж байгаа 100 гаруй орон сууцны хороолол энэ үзэсгэлэнд оролцож, танилцуулагдлаа.  Үзэсгэлэнд оролцогч байгууллага, аж ахуйн нэгжийг урамшуулах зорилгоор шилдгүүдийг шагнаж урамшуулдаг уламжлалтай. Энэхүү уламжлалын дагуу шилдэг аж ахуйн нэгжүүдийг өнгөрсөн ням гарагт тодрууллаа. Шилдгүүдийг тодруулах ёслолын ажиллагаанд үзэсгэлэн яармагийг хамтран зорион байгуулагч БХБЯ, Барилгын материал үйлдвэрлэгчдийн холбоо, Барилгын инженерүүдийн холбооны төлөөлөгчид хүрэлцэн ирж оролцсон юм. Мөн энэхүү үзэсгэлэн яармагийн ерөнхий ивээн тэтгэгчээр Японы “Kansei Paint” брэнд, “Sky Pro Group” шингэн обой, “Victoria Town” ХХК ажилласныг дуулгахад таатай байна. 
 "Барилга-Экспо 2015" үзэсгэлэн яармагийн шилдгүүд
   Шилдэг  үйлдвэрлэгч - “Монголнью Пластик” ХХК
Герман технологиор Монголдоо хуванцар хоолой, холбох хэрэгсэлийг үйлдвэрлэж, 4 дэх жилдээ үйл ажиллагаагаа амжилттай явуулж, үйлдвэрлэлээ өргөжүүлэн импортыг орлох чанар стандарын шаардлага хангасан бүтээгдэхүүнийг зах зээлд нийлүүлж байна.

  Шилдэг ханган нийлүүлэгч –  “Хөргөлт Сервис” ХХК
“Хөргөлт сервис” компани нь шинэ нисэх онгоцны буудал, Оюу толгой зэрэг Монгол улсын томоохон төслүүд, Blue Mon tower, Gerege tower, Galaxy Tower, Jarden tower, Дорнод гурил оффисийн барилга, Зүүн хүрээ хотхон, Их Монгол оффис үйлчилгээний төв зэрэг 50 гаруй төслүүдэд хөргөлт, агааржуулалтын тоног төхөөрөмж, өндөр чанартай агааржуулалтын хоолойг нийлүүлж, угсралтын ажлыг гүйцэтгэж 9 гаруй тэмбум төгрөгний борлуулалт хийж, 10 жилийн ойн түүхэн амжилтаа угтаж байна.

Шилдэг бүтээгдэхүүн –  “ABB” Группын Монгол дахь төлөөлөгчийн газар
Барилгын ухаалаг Удирдлагын систем
ABB групп нь дэлхийн 100 гаруй улсад үйл ажиллагаагаа явуулдаг, 130 гаруй жилийн түүхтэй эрчим хүчний болон автоматжуулалтын бүтээгдэхүүний үйлдвэрлэл, нийлүүлэлт, технологиороо дэлхийд анхдагч, тэргүүлэгч компани юм.
“Барилгын ухаалаг удирдлагын систем” хэмээх энэхүү систем нь эрчим хүчний хэрэглээг дундажаар 25% бууруулахын зэрэгцээ барилгын гэрэлтүүлэг болон бүхий л цахилгаан төхөөрөмжийн удирдлага, дулаан болон агааржуулалтын удирдлага, галын дохиолол, харуул хамгаалалтын нэгдсэн систем зэргийг багтаасан цогц шийдэл бөгөөд аюулгүй, найдвартай ажиллагааг өндөр түвшинд хүргэсэн, галын аюулаас бүрэн хамгаалагдсан, овор хэмжээ бага, цаг уурын эрс тэс нөхцөлд нийцүүлсэн, байгаль орчинд ээлтэй, эдийн засгийн үр ашигтай зэрэг олон шинэ давуу талуудыг багтаасан шилдэг бүтээгдэхүүн юм.

  Шилдэг дэвшилтэт технологи нэвтрүүлэгч  – Алтан Ус ХХК
Алтан Ус ХХК нь1997 оноос Метал-хуванцар хаалга цонх, шилэн фассад, интерьер-экстрьерийн чиглэлээр үйл жиллагаагаа эхэлсэн.
Хаалга цонхны олон улсын топ брэнд Италийн “GIESSE-GOS системийн хөнгөн цагаан хаалга, цонхны Европын чанарын CE-сертификаттай үйлдвэрлэл” шинэ-техник технологи, инновацыг нэвтрүүлж чаджээ.

Байгальд ээлтэй  төсөл хөтөлбөр хэрэгжүүлэгч (Үйлдвэрлэл)– Эрдэнэт-Чандмань ХХК
Байгаль орчныг сүйтгэхгүйгээр үйлдвэрлэлийн хаягдлыг ашиглан өндөр чанартай, стандартын шаардлага хангасан элс гаргаж авах үйлдвэрлэлийн төсөл юм. Энэхүү үйлдвэрлэл нь байгаль орчинд сөрөг нөлөөгүй, үнэ хямд, нөөц шавхагдахгүй, орчиндоо тоос шороо үүсгэхгүй давуу талтай бөгөөд үйлдвэрлэлийн хүчин чадлыг хэд дахин нэмэгдүүлж гарах элсний өөрийн өртгийг бууруулж байгаагаараа онцлог юм.

Байгальд ээлтэй  төсөл хөтөлбөр хэрэгжүүлэгч (Барилга Угсралт)–  Цагаан Хуаран Консалтинг ХХК
БЗД, 13, 14-р хорооны  гэр хорооллын дахин төлөвлөлтийн нийт 5000 гаруй айлын орон сууцны хорооллын  төслийг хэрэгжүүлж байна. Энэхүү төсөл нь иргэдийн тав тухтай амьдрах орчныг бүрдүүлэх, хөрсний болон агаарын бохирдлыг бууруулах, хүн амын аюулгүй байдлыг хангах, хот төлөвлөлтөнд оролцох, хотын өнгө үзэмжийг сайжруулж экологийн тэнцвэрт байдлыг хангасан “Цагаан хауран” орон сууц бөгөөд эхний ээлжийг амжилттай ашиглалтанд оруулаад  байна.

Шилдэг Шинэ орон сууц-  Камдер ХХК-ийн  “ЭНКАНТО ТАУН” Орон сууцны хотхон
Хүний амьдралын хэрэгцээг бүхий л талаараа хангах, эрхэмсэг амьдралын хэв маягийг цогцлоох, дэлхийн стандартад нийцсэн үлгэр жишээ бүтээн байгуулалтыг бий болгох зорилготой “Encanto town”  хотхон нь 216 айлын орон сууц,  10,000 м2  талбай бүхий  худалдаа  үйлчилгээний  барилга,  Монголын анхны 7 давхар автозогсоол зэрэг төслийг амжилттай хэрэгжүүлсэн юм.  

Ийнхүү энэ жилийн шилдгүүд тодорч, барилгын салбарынхан хамтдаа нэгэн үдшийг сайхан өнгөрүүллээ.