Барилга.МН”, Барилгын зөвлөгөө мэдээллийн төвөөс зохион байгуулдаг “Барилга-Экспо” олон улсын үзэсгэлэн яармаг найм дахь жилдээ амжилттай зохион байгуулагдаж байгаа юм. Үзэсгэлэн  яармаг 2 дох өдрөө олны хөл хөдөлгөөн ихтэй  амжилттай үргэлжилж байна .

“ОРОН СУУЦ, ҮЛ ХӨДЛӨХ ХӨРӨНГӨ”-ийн үзэсгэлэн  энэ амралтын  өдрүүдийг дуустал “Мишээл-Экспо” төвд үргэлжлэх болно. 
Энэ удаагийн “ОРОН СУУЦ, ҮЛ ХӨДЛӨХ ХӨРӨНГӨ”-ийн үзэсгэлэнд нийслэл хотод баригдаж буй болоод ашиглалтанд орсон 100 гаруй шинэ орон сууцны танилцуулга худалдаа болох бөгөөд м/кв нь 1.350.000-аас эхлэх орон сууцнаас тансаг зэрэглэлийн орон сууцнууд эзнээ хүлээж байна. Нийслэл хотод баригдаж буй болон баригдаж ашиглалтанд орсон орон сууцны талаас илүү нь энд танилцуулагдах бөгөөд энэ жил орон сууцны үнэ ханш ямар байхыг уг үзэсгэлэнгээс дүгнэж болно.

Манай компани 5 дахь жилдээ Барилга экспо олон улсын үзэсгэлэнд оролцож байна. Жил ирэх тусам барилгын салбарыхан маш их ач холбогдол өгч оролцдог болжээ. Иргэдийн зүгээс ч хаврын энэ өдрүүдэд хүлээлт үүсгэсэн экспогийн нэг болж чадсан. Манай Олимп хотхоны давуу тал нь тухайн байршилдаа төвийн шугамд холбогдсон цор ганц орон сууцны хороолол юм. Мөн сургууль цэцэрлэгийн асуудлыг бүрэн шийдсэн 1800 айлын цогцолбор хороолол гэдэг утгаараа иргэд маш ихээр хандаж байгаад сэтгэл хангалуун байна. 

Энэ жилийн үзэсгэлэн улам өргөжиж олон улсын гэдэг утгаараа гадны компаниуд ихээхэн оролцож байна. Үзэсгэлэнгийн зохион байгуулалтын хувьд маш сайн зохион байгуулалттай байгаа нь сэтгэл өндөр байна. Манай “Хүннү 2222” хорооллын хувьд солонгос стандартаар баригдаж байгаа тул өнгө үзэмжтэйн дээр чанартай, хороолол дотор машин явуулахгүй байхаар шийдэж өгсөн нь иргэдийн амьдрах таатай орчин тал дээр ихээхэн анхаарсан. 




 

Барилга экспо үзэсгэлэнд манай цагаан хуаран консалтинг “ Цагаан хуаран1” хотхоноороо оролцож байна. Энэ хороолол нь гэр хорооллийн дахин төлөвлөлтийн төслөөр баригдсан 2448 айлын орон сууцны хороолол юм. Энэ жилийн үзэсгэлэнгийн хувьд сэтгэл өндөр байна. Барилга.мн –ээс зохион байгуулж буй үзэсгэлэн иргэдэд маш их хүрч чаддаг. Тийм ч учраас манай компани энэ удаагийн үзэсгэлэнд оролцож байгаадааа баяртай байна.

Энэ жилийн олон улсын экспо урд жилүүдийг бодвол барилгын компаниуд стэндээ маш гоёмсог хийж байна. Барилгын компаниудын хүсэн хүлээдэг экспогийн нэг болж чаджээ. Өнөөдрийн байдлаас харахад хөл хөдөлгөөн ихтэй байгааг харвал танай хамт олон сайн маркетинг зохион байгуулалттай ажилласан нь харагдаж байна. Манай бүтээгдэхүүний хувьд Монголдоо цорын ганц  гадна болон дотор заслын эко бүтээгдэхүүнийг өнөөдрийн экспод танилцуулан оролцож байгаадаа баяртай байна.




 

Жил бүр уламжлал болгон зохион байгуулдаг энэхүү экспод алгасахгүй оролцдог. Энэ жилийн экспогийн онцлог таалагдсан зүйл нь орон сууц, барилгын материалаар нь ангилж хувааж байгаа нь таалагдсан. "Барилга экспо" олон улсын үзэсгэлэнгийн хувьд бренд үзэсгэлэн гэж хэлж болно. Хүн бүрийн мэддэг үзэсгэлэн энэ ч үүднээс манай компанийн зайлшгүй оролцох ёстой үзэсгэлэнгийн нэг гэж боддог.

Манай орон сууцны давуу тал нь бүрэн цутгамал, төлөвлөлт сайтайн дээр чанартай. Хотын төвд байрлалтай, 388 айлын орон сууцны хороолол юм. Эхний ээлжийн 200 айлын орон сууц ашиглалтанд орсон.

"Барилга экспо" үзэсгэлэнд 2 дох жилдээ оролцож байна. Энэ жилийн экспогийн давуу тал нь Нийслэл хотод баригдаж буй бүх төрлийн орон сууцнуудыг нэг дороос ирж үзэх боломжийг олгож байгаа нь олон улсын үзэсгэлэнгийн давуу тал нь оршиж байгаа юм . Үзэсгэлэнгийн өдрүүдэд хөл хөдөлгөөн ихтэй байгаа нь барилгын компаниудын хувьд маш том дэмжлэг болж байна.

Манай орон сууцны хорооллын хувьд бүрэн цутгамал, Монголдоо анхдагч гэсэн дэвшилтэт технологиудыг нэвтрүүлж чадсан. Үүнд: нэгдүгээрт авто машины грашийг орон сууцныхаа доор хийхээс гадна нэмж 7-н давхар 350  машины граш хийсэн. Түүнчлэн иж бүрэн спорт комплекс, иргэдийн аюулгүй эрүүл амьдрах орчныг бүрэн хангасан дэвшилтэт технологийг шингээсэн төсөл болж чадсан. 

Энэ удаагийн экспо урд жилүүдийг бодвол хүн ихтэй байна. Мөн өрсөлдөгч олонтой байна. “Барилга экспо” нь бусад үзэсгэлэнгээс ялгарч чаддаг болсон тул иргэд ч идвэхитэй оролцож байгаа нь бидэнд маш таатай байгаа.

Иргэд манай орон сууцны дотоод тоноглол хийц, орчин нөхцлийг түлхүү анхаарч сонирхож байна. Энэхүү орон сууц нь  байгаль экологид ээлтэй эко орон сууц гэдгээрээ бусад орон сууцнаас ялгарч байгаа юм. Бид орон сууцандаа  хүний биед сөрөг нөлөөгүй эрүүл орчныг бүрдүүлж өгсөн дэвшилтэт тоног төхөөрөмжөөр тоноглож, гадна орчин тал дээрээ илүү анхаарсан нь  бусдаас ялгарах онцлогтой.