С. Очирбат: Иргэдийн төлбөрийн чадварт нийцсэн 5 арга хэмжээг үе шаттай хэрэгжүүлнэ

С. Очирбат: Иргэдийн төлбөрийн чадварт нийцсэн 5 арга хэмжээг үе шаттай хэрэгжүүлнэ
         Нийслэлийн Засаг даргын Тамгын газар Улаанбаатар хотын худалдааны танхимтай хамтран “Улаанбаатар хөрөнгө оруулалт-2015” бизнес чуулга уулзалтыг “Хөгжлийн төлөө түншлэл” уриан дор өнөөдөр зохион байгуулж байна.

Энэхүү чуулга уулзалтын хүрээнд Улаанбаатар хотод хэрэгжүүлэхээр төлөвлөж буй томоохон хөрөнгө оруулалтын төслүүдийг танилцуулах, хувийн хэвшлийхэнд дэлгэрэнгүй нээлттэй мэдээлэл өгөх бөгөөд тус хөтөлбөрүүдэд төр, хувийн хэвшил хэрхэн хамтарч ажиллах талаар харилцан санал солилцох юм.

     Чуулга уулзалтын үеэр нийслэлийн Засаг даргын Хот байгуулалт, хөрөнгө оруулалтын асуудал хариуцсан орлогч С. Очирбат Улаанбаатар хотын хот байгуулалт, барилгын салбарт хийгдэж буй томоохон төсөл хөтөлбөрүүдийн талаар илтгэл тавьлаа.  
Тэрээр "Улаанбаатар хот 1954 онд анхны ерөнхий төлөвлөгөөгөө баталж  хэрэгжүүлснээс хойш 6 ерөнхий төлөвлөгөөг дамжин өнөөдрийн дүр төрхтэй хотыг хамтран цогцлоон бүтээж явна. Бид 6 дахь ерөнхий төлөвлөгөөг Японы Жайка байгууллагын тусламжтайгаар хамтран олон улсын хэмжээнд санхүүгийн болоод өндөр мэргэжилтнүүдийн оролцоотойгоор боловсруулж анх удаа Монгол улсын их хурлаар батлуулж, өнөөдөр хэрэгжүүлээд явж байна.

Бид цаашид энэ ерөнхий төлөвлөгөөний дагуу бодлого баримталж хэрэгжүүлэх болно. Дэд бүтэцтэй, иргэдийн амьдрах таатай орчинг бий болгох, эрүүл аюулгүй ногоон хот болгохын төлөө сайн засаглалтай  эрх зүйн таатай орчинтой хот болгох зорилт тавин ажиллаж байгаа. Монгол улсыг азийн аялал жуулчлалын төв хот болгохын төлөө “Найрсаг Улаанбаатар хот” хөтөлбөрийг боловсруулан шийдвэр гаргасан. 



Улаанбаатар хотыг 2020 он хүртэл хөгжүүлэх ерөнхий төлөвлөгөөний тодотгол , 2030 он хүртэлх хөгжлийн чиг хандлагыг эдгээр 6 хөгжлийн тэргүүлэх чиглэлүүдийг баримталж ажиллах болно. Аюулгүй эрүүл хот, амьдрахад таатай хот, сайн засаглалтай дэвшилтэт хууль эрх зүйн орчин бүхий хот, эрчимтэй хөгжиж буй дагуул хот, аялал жуулчлалын төв хот, дэлхийн жишигт хүрсэн нийслэл хот зэрэг  хөгжлийн чиглэлүүдийг баримталж ажиллах юм.



Нийслэлийн орон сууцны хангамжийн төлөвлөлтөөр орон сууцны хороолол 22, орон сууц, олон нийтийн хороолол 10, гэр сууцны хороолол 10, гэх мэтчилэн нийт 47 хорооллыг нийслэлийн бүсэд бий болгоно.



Иргэдийн төлбөрийн чадварт нийцсэн орон сууцны хөтөлбөрүүдийг хэрэгжүүлнэ. Үүнд: Гэр хорооллын дахин төлөвлөлт, Газар шинэчлэн зохион байгуулах, түрээсийн орон сууц хөтөлбөр, шинэ суурьшил шинэ хот, хуучин орон сууцыг дахин төлөвлөх зэрэг 5 чиглэлийн ажлыг урт хугацааны туршид хэрэгжүүлэхээр ажиллаж байна. 



 Түрээсийн орон сууц 2016 он хүртэл 1000 айл, 2016 оноос 2000 айлын орон сууцыг ашиглалтанд оруулна.



Шинэ суурьшлыг бий болгоход улсаас дэд бүтцийн асуудлыг бүрэн шийдэж өгөх таатай орчныг бүрдүүлж байна. 





Хувийн хэвшил болон Монгол банктай хамтран ажиллах өргөн боломжуудыг нээсэн. Мөн Монголын банкны холбоотой хамтран ажиллах, Гадаадаас Азийн хөгжлийн банктай хамтран 2 дэд төвийг бий болгохоо р ажиллаж байна. 

Холбоотой мэдээ