Сууц өмчлөгчдийн холбоодыг шалгана

Сууц өмчлөгчдийн холбоодыг шалгана
      Сууц өмчлөгчлөгдийн холбоо /СӨХ/-ны талаарх гомдол иргэдээс их ирдэгтэй холбогдуулан Шударга Өрсөлдөөн, Хэрэглэгчийн Төлөө Газар /ШӨХТГ/-аас СӨХ-ны үйл ажиллагаанд хяналт шалгалт хийж байгаа аж.
Иргэдээс уг газарт ирсэн гомдол ихэвчлэн СӨХ-ны төлбөр өндөр байгаа, авсан төлбөрөө өөр зүйлд зарцуулдаг, орчны тохижилт үйлчилгээ муу, СӨХ-ны удирдлагууд хариуцлагагүй ажилладаг. Түүнчлэн оршин суугчид өөрсдөө СӨХ-гоо байгуулах ёстой атал барилга барьсан компани нь СӨХ-ыг аваад мөнгө олох зорилгоор ажиллуулж  байгаа талаар ярьдаг байна.  Мөн  СӨХ нэрийн цаана бизнесийн эрх ашиг, асар их мөнгөний сонирхол байдаг талаар ч иргэд мэдээлжээ. Түүнчлэн цэвэрлэгээ үйлчилгээ муу, иргэдийнхээ төлөө ажилладаггүй зөвхөн ашиг орлого олохын төлөө оршин суугчдыг хохироож, туйлдуулж байгаа талаар ч гомдол ирдэг байна.
Шударга Өрсөлдөөн, Хэрэглэгчийн Төлөө Газраас томилогдсон ажлын хэсэг Сууц өмчлөгчдийн холбоодын үйл ажиллагаатай газар дээр нь очиж танилцан, зарим СӨХ-г хурал зарлан хийлгүүлж, иргэдийн санал гомдлыг сонсон, шийдвэрлэхээр ажиллаж байгаа гэнэ. 
 ШӨХТГ-аас  үр дүнд хүргэхээ мэдэгдсэн байна.
 

Холбоотой мэдээ