Барилгын зөвлөгөө мэдээллийн төв, “Барилга.МН”-ээс жил бүр уламжлал болгон зохион байгуулдаг сагс бөмбөгийн тэмцээн “Тэмүүжин” спорт цогцолборт өнөөдөр нээлтээ хийлээ. Барилгын салбарт үйл ажиллагаа явуулдаг аж ахуйн нэгж, компаниудын дунд зохиогддог “BARILGA BASKETBALL-2015” тэмцээнд энэ удаа 34 баг өрсөлдөж, авъяас чадвар, ухаанаа сорих юм. Жил бүр уламжлал болон зохиогдож энэ жил 5дахь хавартаа золгож байгаа уг тэмцээнийг "И Си Си" ХХК ивээн тэтгэж оролцож байгааг дуулгах нь зүйтэй.
Тэмцээний нээлтийн ажиллагаанд Барилга хот байгуулалтын яамны Төрийн захиргаа удирдлагын газрын дарга Б.Баярсайхан, Барилгын зөвлөгөө мэдээллийн төвийн УЗ-ийн дарга Г.Батсүх,  “Барилга.МН” сэтгүүлийн эрхлэгч Ч.Баатарсүрэн,  "И Си Си" ХХК-ийн ерөнхий захирал Г.Батсүх нар оролцож, барилгын салбарын баг тамирчиддаа хандаж, баяр хүргэж үг хэлсэн юм.


 “BARILGA BASKETBALL-2015” тэмцээн хоёр өдөр үргэлжилж дүнгээ гаргах бөгөөд энэ удаагийн аварга, аман хүзүүгээр ямар баг тодорсныг бид цаг тухайд нь мэдээлэх болно.