Буух эзэн, буцах хаягтай "Монгол бренд"
“Барилга.мн” сайт барилгын салбарт үйл ажиллагаа явуулж буй үндэсний үйлдвэрлэгч “ Баялаг бүтээгчдээ дэмжье” уриан дор ажилладаг билээ. Үндэсний үйлдвэрлэлд үнэтэй хувь нэмэр оруулж буй аж ахуйн нэгж, хувь хүн, албан байгууллагт манай сайтын үүд хаалга үргэлж нээлттэй.
Энэ удаагийн үндэсний үйлдвэрлэл булангаар Улаанбаатар хотын Цамбагаравт байрлах “Супер ган хаалга” үйлдвэрээр зочиллоо. Тус үйлдвэр тийм ч том биш. Гэхдээ сэдсэн санаа, зорилго нь том юм билээ. С.Түвдэнням захирал нь БНСУ-ын хаалганы үйлдвэрт гурван жил ажиллаж, туршлага хуримтлуулсан. Монголдоо ирэхдээ ажиллаж байсан үйлдвэрийнхээ техник, технологийг судлан, эх орондоо хаалга үйлдвэрлэхээр зориглосон нь энэ. Үйлдвэрээ найз М.Баатарсүрэн ерөнхий инженерийн хамтаар эхлүүлж “Супер ган хаалга” нэртэйгээр байгуулсан.
“Солонгост олон төрлийн хаалга хийдэг байсан ч одоогоор өөрсдийнхөө болон монголчуудынхаа боломжид тааруулан үйлдвэрлэлээ явуулж байна. Үйлдвэр маань хөл дээрээ бүрэн босвол санаж, бодсон зүйл их бий” хэмээсээр тэд угтлаа. Одоогоор тус үйлдвэрт өдөрт 10 хаалга хийж байна. Хожим энэ тоо 100, 1000 болж өснө гэдэгт итгээрэй. Үйлдвэрийн ерөнхий инженер М.Баатарсүрэнтэй ярилцлаа.
- Анх үйлдвэр нээсэн түүхээсээ хуваалцаач?
Үйлдвэр байгуулах бэлтгэл ажил 2009 оноос эхэлж, 2010 онд албан ёсоор компаниа байгуулсан. Үйлдвэрээ байгуулахдаа Монголын зах зээл дээр Хятадын зах зээлтэй өрсөлдөх хэмжээний хаалга үйлдвэрлэхийг зорилтоо болгож ирсэн. Мэдээж үйлдвэр маань шууд л эхэлчээгүй тоног төхөөрөмж хүрэлцэхгүй цаг алдах хүндрэл бэрхшээлтэй тал гарч байсан. Манай С.Түвдэнням Захирал Солонгост 3 жил гаруй хаалганы үйлдвэрт ажилласан туршлагатай хүн. Монголдоо буцаж ирээд хаалганы үйлдвэр нээх санал гаргаж анх найзтайгаа хамтран үйлдвэрээ эхлүүлж байлаа. Тухайн үед тоног төхөөрөмжөө Солонгост ажиллаж байсан үйлдвэрээсээ зах зээлийн үнээс арай хямд авч Монголд төхөөрөмжөө оруулж ирсэн. Түүнээс хойш сөөм сөөмөөр дутуу тоног төхөөрөмжөө оруулсаар үйлдвэр маань одоогийн байдлаар өдөрт 10 гаруй бүргэд хаалга үйлдвэрлэх хүчин чадалтай боллоо.
- Хаалгаа үйлдвэрлэж эхлээд хамгийн анх зах зээлд хэрхэн нийлүүлэв ?
Нэг түүх ярихад хамгийн анхны хаалгаа Аюурзана гээд Мамба дацан хийдийн лам багшид хийж өгч байлаа. Анх лам багш дээрээ очоод бизнесийнхээ талаар үзүүлтэл сайн явах юм байна. Надад нэг хаалга хийгээд өг гэж хэлэхэд хамгийн анхны хаалгаа хийж бэлэглэж байсан.
Түүнээс хойш хэд хэдэн үзүүлэн хаалга хийж таньж мэддэг хүмүүсдээ аман сурталчилгаа, хийж их ч явсан. Тухайн үед манай үйлдвэрт хамгийн том хөрөнгө оруулалт хийсэн худалдан авагч гэвэл “Контейнер Хаус” гэдэг компани юм. Энэ компани контейнерээр зөөврийн сууц хийдэг. Зөөврийн сууцныхаа хаалгыг урдаас авчирсан бүргэд хаалгаар хэрэглэдэг байсан. Хөдөө орон нутаг, руу байнгын захиалгатай хол замд тээвэрлэдэг учраас замдаа хаалга нь эвдэрч гэмтэх зүйл их гардаг байжээ. Харин манай хаалгыг туршиж хэрэглэж үзээд маш их таалагдаж , байнгын үйлчлүүлэгч маань болсон. Энэ цаг үеэс эхлээд л зах зээлд бага багаар танигдаж өөрсдийн гэсэн үйлчлүүлэгчидтэй болж эхэлсэн дээ.
- Танай үйлвэрлэж байгаа хаалганы давуу тал юундаа байна вэ?
Манай хаалганы давуу тал “чанар” гэж хэлж болно. Бид бүтээгдэхүүнээ зөвхөн тоног төхөөрөмжинд найдаад үйлдвэрлэх биш, засалд гар ажиллагаа их оруулж түүндээ сэтгэлээ шингээж хийдэг. Мөн хэрэглэгчийн хүсэл шаардлагын дагуу төрөл бүрийн стандарт хэмжээ загвараар хийдэг. Урдаас орж ирж буй хаалганууд нэг тогтсон хэмжээтэй стандарттай байдаг. Бүх орон сууц болон байшинд тэр болгон таардаггүй. Манай давуу тал нь чанараар илүү ч гаднаас орж ирж буй хаалгатай харьцуулахад үнийн хувьд ялгаагүй, өөрөөр хэлбэл Хятад хаалгыг бодвол бат бөх эдэлгээтэй. Хаалга захиалсан хэрэглэгчиддээ 1 жилийн баталгаа олгодог.
Манай бүтээгдэхүүн энэ хугацаанд гэмтэл гарлаа гэхэд эвдрэл гэмтлийг бүрэн хариуцна. Ингэснээр буух эзэнтэй, буцах хаягтай болсоноор хэрэглэгчид маш сэтгэл хангалуун байдаг.
Манай хаалгыг одоогоор банкууд их авч хэрэглэж байна. Хаан банкны барилгын засварын ажил дээр хаалга солих тендерт бид ялснаар хөдөө орон нутаг болон нийслэлд манай хаалгыг сонгон авч шинэчилсэн. Мөн Хадгаламж банкны шалгаруулалтанд бид шалгарч хаалгаа нийлүүлсэн. Энэ мэтчилэн зах зээлд бага багаар танигдаж л байна. Банк болон олон нийтийн үйлчилгээний төвүүдэд хаалгаа нийлүүлж байна. Энэ нь нэг талаараа манай бүтээгдэхүүний чанар чансааг илтгэж байгаан болов уу.
- Хятад хаалганаас технологийн хувьд юугаараа онцлогтой вэ?
Хятадын хаалганууд нимгэн төмрөөр хийж байгаа учраас өнгө үзэмж тал дээр ихээхэн анхаардаг. Төрөл бүрийн хээ хуар гэх мэтчилэн өнгө загвар нь сайхан ч тоншоод үзэхэд төмрийн хувьд хатуухан юмаар цохиход шууд л хонхойдог. Манай хаалганы хувьд цэвэр ган төмөрөөр хийж байгаагаас хүнд даацтайн дээр эдэлгээ урт. Мөн Хятадын бүргэд хаалганууд бүгд нэг л стандарт хэмжээтэй байдаг. Манайх төрөл бүрийн хэмжээгээр хаалгыг үйлдвэрлэнэ.
- Үндэсний үйлдвэрлэл хөгжиж байгаад баяртай байна. Танайх шиг үйлдвэр байгууллаа гэхэд ойролцоогоор хэдэн төгрөгөөр босох вэ?
Үйлдвэр байгуулахад зардал мэдээж орно. Үйлдвэрийн байр, угсрагдаж суурилагдах хүнд механизмийн тоног төхөөрөмж гээд л зардал бас орноо орно. Манай тоног төхөөрөмжийн хувьд Солонгос технлоги ойролцоогоор 300 - гаад сая төгрөгийн техник байна. Үүнээс цаашаа мэдээж ганц нэг дутуу төхөөрөмж бий.
- Үйлдвэр улирлаас хамааралтай юу?
Үйлдвэр маань улирлаас хамаараад байдаггүй. Нэг дутагдалтай тал гэвэл өвлийн улиралд тоног төхөөрөмж царцаж гацна, будаг хатаалт, халаалтын систем төвөгтэй болох гээд л зардал өндөр болдог. Дулааны улиралд хийвэл хамгийн тохиромжтой. Өвлийн улиралд захиалгатай байгаа үед зайлшгүй ажиллана. Өвөл ихэвчлэн угсралтын ажлуудаа хийдэг. Өвлийн цагт үйлдвэрийн цагийн ачаалал арай багасдаг.
- Үйлдвэрлэлийнхээ түүхий эдийг хаанаас авч байна вэ?
Хаалга үйлдвэрлэхэд хаалганы хавтасаа хийхийн тулд 1мм-ийн лист төмрөөр хавтасаа хийнэ. Дараагаар нь 1,5мм-ийн зузаантай листээр хүрээгээ хийнэ. Энэ мэтчилэн гол нэрийн түүхий эд маань боловсруулсан сайн чанарын лист төмөр хэрэгтэй болдог. Энэхүү гол нэрийн түүхий эдээ Солонгосоос оруулж ирдэг. Тэндээс авч буй лист төмөр чанарын хувьд сайн боловсруулсан байдаг. Манайх өөрсдөө дотооддоо төмрийн боловсруулах үйлдвэртэй бол өртөг бага тусах боломжтой. Гэвч манайд төмөр боловсруулах үйлдвэргүйгээс гаднаас л авч хэрэглэж байна.
- Монголд үйлдвэрлэл эрхлэхэд хүндрэлтэй тал байна уу?
Нэг үеэ бодвол зах зээл өргөн болж байна. Дотоодыхоо үйлдвэрийг дэмждэг болж байна. Тиймээс бид үндэсний үйлдвэрлэлээ хөгжүүлье гэвэл хамгийн гол нь чанар стандарт дээрээ анхаарч чадвал импортийг хаязгаарлаж чадна. Манай үйлдвэрлэгчид хэт ашиг хараад чанарыг орхигдуулдаг тал бий. Иймд чанараараа тэргүүлсэн цагт , цагийн аясаар гадны чанаргүй бүтээгдэхүүнүүд арчигдах болно.
- Яагаад компанийхаа нэрийг “Супер ган хаалга” гэж нэрлэсэн бэ?
Хаалгаа зарах гээд анх ганц нэг хүмүүст үзүүлээд явж байхад нэг ах энэ чинь ёстой супер хаалга байна даа гэхэд анх санаа авч, нээрээ яагаад Супер ган хаалга гэж нэрлэж болохгүй гэсэн санаа орж ирсэн. / Инээв /
- Сүүлийн үеийн шинэ, хуучин гэлтгүй орон сууцнуудын хаалга кодтой болж байна. Танай хаалганы хувьд кодтой болох боломж байгаа юу?
Бололгүй яахав. Сүүлийн үед орон сууцнууд кодтой, мэдрэгчтэй төрөл бүрийн л цоож гарч байна. Энэ бүх технологийг хаалгандаа суурилуулах бүрэн боломжтой.
Ярилцсан таньд баярлалаа.
Бидний үйл ажиллагааг дэмжиж байгаа танай хамт олонд маш их баярлалаа.
Хаалганы төрөл зүйл
Үйлдвэрлэж буй орон сууцны бүргэд хаалга
Хаалганы будгийг өндөр температурт хатаах павилон
Захиалагчийн дагуу үйлдвэрлэсэн хаалганууд
Төмөр нугалагч төхөөрөмж
Төмөр хайчлагч төхөөрөмж
Үйлдвэрийн цех
Хаяг: СХД 31-р хороо Холбоо барих утас: 99028190, 99646769
И-майл: superganhaalga@yahoo.com
Энэ удаагийн үндэсний үйлдвэрлэл булангаар Улаанбаатар хотын Цамбагаравт байрлах “Супер ган хаалга” үйлдвэрээр зочиллоо. Тус үйлдвэр тийм ч том биш. Гэхдээ сэдсэн санаа, зорилго нь том юм билээ. С.Түвдэнням захирал нь БНСУ-ын хаалганы үйлдвэрт гурван жил ажиллаж, туршлага хуримтлуулсан. Монголдоо ирэхдээ ажиллаж байсан үйлдвэрийнхээ техник, технологийг судлан, эх орондоо хаалга үйлдвэрлэхээр зориглосон нь энэ. Үйлдвэрээ найз М.Баатарсүрэн ерөнхий инженерийн хамтаар эхлүүлж “Супер ган хаалга” нэртэйгээр байгуулсан.
“Солонгост олон төрлийн хаалга хийдэг байсан ч одоогоор өөрсдийнхөө болон монголчуудынхаа боломжид тааруулан үйлдвэрлэлээ явуулж байна. Үйлдвэр маань хөл дээрээ бүрэн босвол санаж, бодсон зүйл их бий” хэмээсээр тэд угтлаа. Одоогоор тус үйлдвэрт өдөрт 10 хаалга хийж байна. Хожим энэ тоо 100, 1000 болж өснө гэдэгт итгээрэй. Үйлдвэрийн ерөнхий инженер М.Баатарсүрэнтэй ярилцлаа.
- Анх үйлдвэр нээсэн түүхээсээ хуваалцаач?
Үйлдвэр байгуулах бэлтгэл ажил 2009 оноос эхэлж, 2010 онд албан ёсоор компаниа байгуулсан. Үйлдвэрээ байгуулахдаа Монголын зах зээл дээр Хятадын зах зээлтэй өрсөлдөх хэмжээний хаалга үйлдвэрлэхийг зорилтоо болгож ирсэн. Мэдээж үйлдвэр маань шууд л эхэлчээгүй тоног төхөөрөмж хүрэлцэхгүй цаг алдах хүндрэл бэрхшээлтэй тал гарч байсан. Манай С.Түвдэнням Захирал Солонгост 3 жил гаруй хаалганы үйлдвэрт ажилласан туршлагатай хүн. Монголдоо буцаж ирээд хаалганы үйлдвэр нээх санал гаргаж анх найзтайгаа хамтран үйлдвэрээ эхлүүлж байлаа. Тухайн үед тоног төхөөрөмжөө Солонгост ажиллаж байсан үйлдвэрээсээ зах зээлийн үнээс арай хямд авч Монголд төхөөрөмжөө оруулж ирсэн. Түүнээс хойш сөөм сөөмөөр дутуу тоног төхөөрөмжөө оруулсаар үйлдвэр маань одоогийн байдлаар өдөрт 10 гаруй бүргэд хаалга үйлдвэрлэх хүчин чадалтай боллоо.
- Хаалгаа үйлдвэрлэж эхлээд хамгийн анх зах зээлд хэрхэн нийлүүлэв ?
Нэг түүх ярихад хамгийн анхны хаалгаа Аюурзана гээд Мамба дацан хийдийн лам багшид хийж өгч байлаа. Анх лам багш дээрээ очоод бизнесийнхээ талаар үзүүлтэл сайн явах юм байна. Надад нэг хаалга хийгээд өг гэж хэлэхэд хамгийн анхны хаалгаа хийж бэлэглэж байсан.
Түүнээс хойш хэд хэдэн үзүүлэн хаалга хийж таньж мэддэг хүмүүсдээ аман сурталчилгаа, хийж их ч явсан. Тухайн үед манай үйлдвэрт хамгийн том хөрөнгө оруулалт хийсэн худалдан авагч гэвэл “Контейнер Хаус” гэдэг компани юм. Энэ компани контейнерээр зөөврийн сууц хийдэг. Зөөврийн сууцныхаа хаалгыг урдаас авчирсан бүргэд хаалгаар хэрэглэдэг байсан. Хөдөө орон нутаг, руу байнгын захиалгатай хол замд тээвэрлэдэг учраас замдаа хаалга нь эвдэрч гэмтэх зүйл их гардаг байжээ. Харин манай хаалгыг туршиж хэрэглэж үзээд маш их таалагдаж , байнгын үйлчлүүлэгч маань болсон. Энэ цаг үеэс эхлээд л зах зээлд бага багаар танигдаж өөрсдийн гэсэн үйлчлүүлэгчидтэй болж эхэлсэн дээ.
- Танай үйлвэрлэж байгаа хаалганы давуу тал юундаа байна вэ?
Манай хаалганы давуу тал “чанар” гэж хэлж болно. Бид бүтээгдэхүүнээ зөвхөн тоног төхөөрөмжинд найдаад үйлдвэрлэх биш, засалд гар ажиллагаа их оруулж түүндээ сэтгэлээ шингээж хийдэг. Мөн хэрэглэгчийн хүсэл шаардлагын дагуу төрөл бүрийн стандарт хэмжээ загвараар хийдэг. Урдаас орж ирж буй хаалганууд нэг тогтсон хэмжээтэй стандарттай байдаг. Бүх орон сууц болон байшинд тэр болгон таардаггүй. Манай давуу тал нь чанараар илүү ч гаднаас орж ирж буй хаалгатай харьцуулахад үнийн хувьд ялгаагүй, өөрөөр хэлбэл Хятад хаалгыг бодвол бат бөх эдэлгээтэй. Хаалга захиалсан хэрэглэгчиддээ 1 жилийн баталгаа олгодог.
Манай бүтээгдэхүүн энэ хугацаанд гэмтэл гарлаа гэхэд эвдрэл гэмтлийг бүрэн хариуцна. Ингэснээр буух эзэнтэй, буцах хаягтай болсоноор хэрэглэгчид маш сэтгэл хангалуун байдаг.
Манай хаалгыг одоогоор банкууд их авч хэрэглэж байна. Хаан банкны барилгын засварын ажил дээр хаалга солих тендерт бид ялснаар хөдөө орон нутаг болон нийслэлд манай хаалгыг сонгон авч шинэчилсэн. Мөн Хадгаламж банкны шалгаруулалтанд бид шалгарч хаалгаа нийлүүлсэн. Энэ мэтчилэн зах зээлд бага багаар танигдаж л байна. Банк болон олон нийтийн үйлчилгээний төвүүдэд хаалгаа нийлүүлж байна. Энэ нь нэг талаараа манай бүтээгдэхүүний чанар чансааг илтгэж байгаан болов уу.
- Хятад хаалганаас технологийн хувьд юугаараа онцлогтой вэ?
Хятадын хаалганууд нимгэн төмрөөр хийж байгаа учраас өнгө үзэмж тал дээр ихээхэн анхаардаг. Төрөл бүрийн хээ хуар гэх мэтчилэн өнгө загвар нь сайхан ч тоншоод үзэхэд төмрийн хувьд хатуухан юмаар цохиход шууд л хонхойдог. Манай хаалганы хувьд цэвэр ган төмөрөөр хийж байгаагаас хүнд даацтайн дээр эдэлгээ урт. Мөн Хятадын бүргэд хаалганууд бүгд нэг л стандарт хэмжээтэй байдаг. Манайх төрөл бүрийн хэмжээгээр хаалгыг үйлдвэрлэнэ.
- Үндэсний үйлдвэрлэл хөгжиж байгаад баяртай байна. Танайх шиг үйлдвэр байгууллаа гэхэд ойролцоогоор хэдэн төгрөгөөр босох вэ?
Үйлдвэр байгуулахад зардал мэдээж орно. Үйлдвэрийн байр, угсрагдаж суурилагдах хүнд механизмийн тоног төхөөрөмж гээд л зардал бас орноо орно. Манай тоног төхөөрөмжийн хувьд Солонгос технлоги ойролцоогоор 300 - гаад сая төгрөгийн техник байна. Үүнээс цаашаа мэдээж ганц нэг дутуу төхөөрөмж бий.
- Үйлдвэр улирлаас хамааралтай юу?
Үйлдвэр маань улирлаас хамаараад байдаггүй. Нэг дутагдалтай тал гэвэл өвлийн улиралд тоног төхөөрөмж царцаж гацна, будаг хатаалт, халаалтын систем төвөгтэй болох гээд л зардал өндөр болдог. Дулааны улиралд хийвэл хамгийн тохиромжтой. Өвлийн улиралд захиалгатай байгаа үед зайлшгүй ажиллана. Өвөл ихэвчлэн угсралтын ажлуудаа хийдэг. Өвлийн цагт үйлдвэрийн цагийн ачаалал арай багасдаг.
- Үйлдвэрлэлийнхээ түүхий эдийг хаанаас авч байна вэ?
Хаалга үйлдвэрлэхэд хаалганы хавтасаа хийхийн тулд 1мм-ийн лист төмрөөр хавтасаа хийнэ. Дараагаар нь 1,5мм-ийн зузаантай листээр хүрээгээ хийнэ. Энэ мэтчилэн гол нэрийн түүхий эд маань боловсруулсан сайн чанарын лист төмөр хэрэгтэй болдог. Энэхүү гол нэрийн түүхий эдээ Солонгосоос оруулж ирдэг. Тэндээс авч буй лист төмөр чанарын хувьд сайн боловсруулсан байдаг. Манайх өөрсдөө дотооддоо төмрийн боловсруулах үйлдвэртэй бол өртөг бага тусах боломжтой. Гэвч манайд төмөр боловсруулах үйлдвэргүйгээс гаднаас л авч хэрэглэж байна.
- Монголд үйлдвэрлэл эрхлэхэд хүндрэлтэй тал байна уу?
Нэг үеэ бодвол зах зээл өргөн болж байна. Дотоодыхоо үйлдвэрийг дэмждэг болж байна. Тиймээс бид үндэсний үйлдвэрлэлээ хөгжүүлье гэвэл хамгийн гол нь чанар стандарт дээрээ анхаарч чадвал импортийг хаязгаарлаж чадна. Манай үйлдвэрлэгчид хэт ашиг хараад чанарыг орхигдуулдаг тал бий. Иймд чанараараа тэргүүлсэн цагт , цагийн аясаар гадны чанаргүй бүтээгдэхүүнүүд арчигдах болно.
- Яагаад компанийхаа нэрийг “Супер ган хаалга” гэж нэрлэсэн бэ?
Хаалгаа зарах гээд анх ганц нэг хүмүүст үзүүлээд явж байхад нэг ах энэ чинь ёстой супер хаалга байна даа гэхэд анх санаа авч, нээрээ яагаад Супер ган хаалга гэж нэрлэж болохгүй гэсэн санаа орж ирсэн. / Инээв /
- Сүүлийн үеийн шинэ, хуучин гэлтгүй орон сууцнуудын хаалга кодтой болж байна. Танай хаалганы хувьд кодтой болох боломж байгаа юу?
Бололгүй яахав. Сүүлийн үед орон сууцнууд кодтой, мэдрэгчтэй төрөл бүрийн л цоож гарч байна. Энэ бүх технологийг хаалгандаа суурилуулах бүрэн боломжтой.
Ярилцсан таньд баярлалаа.
Бидний үйл ажиллагааг дэмжиж байгаа танай хамт олонд маш их баярлалаа.
Хаалганы төрөл зүйл
Үйлдвэрлэж буй орон сууцны бүргэд хаалга
Хаалганы будгийг өндөр температурт хатаах павилон
Захиалагчийн дагуу үйлдвэрлэсэн хаалганууд
Төмөр нугалагч төхөөрөмж
Төмөр хайчлагч төхөөрөмж
Үйлдвэрийн цех
Хаяг: СХД 31-р хороо Холбоо барих утас: 99028190, 99646769
И-майл: superganhaalga@yahoo.com