УИХ-ын 2003 оны 23 тогтоолоор батлагдсан “Улаанбаатар хотыг 2020 он хүртэл хөгжүүлэх ерөнхий төлөвлөгөөний тодотгол, 2030 оны хөгжлийн чиг хандлага” –ын баримт бичиг Хан-Уул дүүргийн 3, 4, 5, 6, 7, 8 дугаар хороод, Баянгол дүүргийн 20 хорооны нутаг дэвсгэр дээр Баруун - II бүсийн Үйлдвэр - 2 нэгж хороолол, Сонгинохайрхан дүүргийн 9, 20 хороодын нутаг дэвсгэр дээр Баруун II бүсийн Үйлдвэр - 3 нэгж хорооллыг байгуулахаар тусгасан байна.
    Энэ ажлын хүрээнд Нийслэлийн зураг төслийн хүрээлэнгээс үйлдвэрийн бүсийн хэсэгчилсэн ерөнхий төлөвлөгөө боловсруулах үүднээс байгаль орчин, нийгэм-эдийн засаг, архтектур орон зай, гудамж замын сүлжээ, хог хаягдлын менежментийн нарийвчилсан судалгаа, цаашдын төлөвлөлтийн үе шатны ажлууд хийгдэж байгаа юм байна.

 Төлөвлөлт хийх газрын зураг

    Иймд тус газар буюу хил хязгаарын дотор байгуулахаар төлөвлөсөн үйлдвэрлэл, төсөл, бизнесийн саналууд байгаа бол дэлгэрэнгүй мэдээлэл, материалаа яаралтай өгөх шаардлагатай байгаа аж. Ингэснээр та бүхний өгсөн санал, төслийг төлөвлөгөөнд тусгуулан баталгаажуулах бөгөөд хэрэв баталгаажуулаагүй бол тус хүрээлэнгээс боловсруулсан хэсэгчилсэн ерөнхий төлөвлөгөөний дагуу төлөвлөлтийг хийх аж.
Та бүхэн тухайн хил хязгаарт төлөвлөсөн төсөл, үйлдвэрлэл, бизнесийн талаарх санал, төлөвлөгөөгөө 2015 оны Нийслэлийн зураг төслийн хүрээлэн /НЗТХ/-д эсвэл Худалдаа аж үйлдвэрийн танхим /ХАҮТ/ маркетинг олон нийттэй харицах хэлтэст хандана төслийн саналаа өгөх боломжтой юм байна.