Орон сууц худалдан авах гэж буй иргэн таны мартаж болохгүй нэг зүйл гэвэл худалдан авах гэж буй байрныхаа гэрээнд нэг өгүүлбэрийг маш тодорхой оруулж өгөх хэрэгтэй. Иргэдийн дунд түгээмэл гардаг нэг асуудал гэвэл худалдаж авсан байрны талбайн хэмжээ дутуу байх явдал ихээр гарч хэл ам дагуулдаг.

Тэгвэл энэ асуудлыг баталгаатай шийдэхийн тулд “Орон сууцны талбайн хэмжээг Стандартчилал хэмжилзүйн үндэсний төвийн 2009 оны 12 дугаар сарын 24-ний 52 тоот тогтоолоор баталсан стандартаар тооцно” гэх өгүүлбэр юм. Уг стандарт шинээр энэ оны хоёрдугаар сараас мөрдөгдөж эхэлсэн. Үүнд: шалны хүрээ модноос доторх зай талбайг орон сууцны талбайд тооцох та лаар заасан байгаа. Ингээд сүүлд нь ам метрын зөрүү гарах юм бол та дээрх гэрээнд заасан заалтын тусламжтайгаар хохирлоо барагдуулах боломжтой болно.

Ер нь байр худалдан авахдаа өөрсдөө метр бариад хэмжиж, зохих төсөөлөлтэй болох нь зүйтэй юм. Ингээд хэдэн метрээр дутаад байгаа юм шиг санагдвал зөвшөөрөлтэй ямар ч зураг төслийн компанид хандаж, нарийн хэмжүүлж болно.
Тус компани танд албан ёсны дүгнэлтийг гаргаж өгөх аж. Энд нэг зүйлийг анхааруулахад зарим компани орон сууцны талбайн хэмжээг ойсноос ойсны хооронд тооцно хэмээн бичсэн байдаг. Гэтэл журам, дүрэмд энэ талаар ямар ч үг, өгүүлбэр байхгүйг санаарай.