Таны захиалсан байр хугацаандаа ашиглалтанд орохгүй бол...

Таны захиалсан байр хугацаандаа ашиглалтанд орохгүй бол...
         Иргэд барилгын компаниудын хооронд орон сууцтай холбоотой элдэв маргаан байнга гардаг. Ялангуяа захиалга өгсөн байрыг нь чанаргүй барих,  эсвэл хугацаандаа ашиглалтанд оруулахгүй хүлээлгэх,  мөн иргэдийг хуурч илүү метр квадратын мөнгө авах зэрэг нь наад захын жишээ юм. Иймд  та орон сууц худалдан авахаар төлөвлөж байгаа бол барилгын компанид  бэлэн мөнгө тушаахдаа гэрээгээ маш сайн байгуулах шаардлагатай.



      Хэрэв та гэрээндээ холбогдох бүх талын хариуцлагыг оруулаад эхэлбэл компаниуд хэрэглэгчээ татахын тулд зөрчлүүдээ арилгах болно. Иргэн та орон сууц худалдан авахдаа юун дээр анхаарах шаардлагатай талаар мэдээлэл хүргэе. 
орон сууц худалдан авах захиалга өгөхөд гардаг нийтлэг зөрчлийг нэрлэсэн. Үүнд: хамгийн түрүүнд  ашиглалтанд орох хугацаа ордог байна.  Зарим компани захиалагчаас урьдчилгаа мөнгө авчаад ажил нь санхүүжилтгүйн улмаас  зогсчихдог. Ингээд мөнгөө буцааж авъя гэхэд компани мөнгөгүй гээд суучихдаг.  
Дараагийн нэг нийтлэг бэрхшээл нь торгууль, алданги тооцох юм.  Байраа гэрээнд заасан хугацаанд ашиглалтад оруулаагүй бол тухайн компани урссан хоногийн тоогоор захиалагчид 0.5 хүртэл хувийн алданги төлөх ёстой.  Гэтэл ихэнх компани гэрээндээ энэ талаар тусгадаггүй, захиалагч ч тусгах ёстой эсэхийг мэддэггүй.  Энэ талаар гэрээнд тусгахгүй бол олон сар, жилээр хүлээлгэсэн ч компани ямар ч хариуцлага хүлээдэггүй иргэд л хохирч үлддэг.  Харин гэрээнд торгуулиас илүү алданги тооцох талаар тусгавал захиалагчид ашигтай.  Учир нь торгууль зөвхөн нэг удаад  200-300 мянган төгрөг төлөөд  л болдог.

Тэгвэл хугацаа хэтрэх тусам алдангийн хэмжээ өснө.  Тухайлбал 30 саяийн урьдчилгаа өгөөд захиалсан байрыг гэрээнд зааснаас хоёр сар илүү хүлээлгэвэл та алдангид сая хүртэл төгрөг нөхөн авах бололцоотой.  Энд нэг зүйлийг анхааруулахад зарим компани алдангийг  0.0001 хувиар тооцох талаар заадаг.  Энэ нь хуулинд байж боломгүй зүйл. Иймээс та хуулийн дагуу 0.5 хүртэл хувийн алдангийг гэрээнд тусгахыг шаардах бүрэн үндэстэй.

Холбоотой мэдээ