Гадаад хэргийн яамны Ази, Африкийн газарт атташе, Гадаад худалдаа, хамтын ажиллагааны газарт мэргэжилтэн, Олон талт хамтын ажиллагааны газрын дэд захирал, Монгол Улсын Ерөнхийлөгчийн гадаад бодлогын зөвлөх, Гадаад харилцааны яамны Төрийн нарийн бичгийн дарга, Монгол Улсын Ерөнхий сайдын зөвлөх, Байгаль орчин, аялал жуулчлалын сайд, Монгол Ардын Намын Гадаад харилцаа хариуцсан нарийн бичгийн даргаар ажиллаж байсан Д.Цогтбаатар гэх эрхэм Барилга хот байгуулалтын сайдаар ажиллах болсоор хэдхэн сарыг үдэж байна.

Шинэхэн сайд ажлаа авсан цагаас барилгын салбарынхантай биечлэн уулзаж санал бодлыг сонссон төдийгүй гадаад харилцаагаа өргөжүүлэхээр олон уулзалтуудыг хийсээр байгаа. Өнөөдөр өөрийн толгойлж буй яаман дээр Бүгд Найрамдах Беларусь Улсаас Монгол Улсад суугаа Элчин сайд Станислав Чепурнойг хүлээн авч уулзлаа. Уулзалтын үеэр  Беларусьт мэргэжлийн боловсон хүчин бэлтгэх, барилгын материал үйлдвэрлэлийн салбарт талуудын хамтын ажиллагааг хөгжүүлэх зэрэг асуудлаар санал солилцсон байна.