Төр хувийн хэвшлийнхний уялдаа холбоог сайжруулах тал дээр шинээр байгуулагдсан Засгийн газрын Барилга хот байгуулалтын яам /БХБЯ/ харьцангуй идэвхтэй ажиллах болсон. Үүний илрэл болж  өнөөдөр тус яаман дээр барилгын салбарынхны  гурван талт хэлэлцээрт гарын үсэг зурах арга хэмжээ боллоо. Төрийг төлөөлж Барилга хот байгууллатын яам, хувийн хэшлийнхний төлөөлөл ажил олгогчид, түүнчлэн барилгын салбарын төрийн бус байгууллагын төлөөлөл оролцсон энэхүү арга хэмжээнд торуулж хэлбэл БХБ-ын сайд Д.Цогтбаатар, БХБ-ын дэд сайд Г.Байгалмаа, тус яамны Төрийн захиргаа удирдлагын газрын дарга Б.Баярсайхан, Хот байгуулалт, газрын харилцааны бодлогын газрын дарга М.Батбаяр, Барилга, Нийтийн аж ахуйн бодлогын газрын дарга Б.Баасан нар БХБЯ-ыг төлөөлөн оролцсон бол Барилгын үйлдвэрчний эвлэлийг төлөөлж, тус холбооны гишүүд болох Н.Энхцэцэг, Н.Хишигжаргал, Р.Элбэгбаяр нарын хүмүүс түүнчлэн барилгын салбарын ажил олгогчдын төлөөлөл оролцсон юм.

      Энэхүү гурван талт хэлэлцээр нь барилгын салбарт тулгамдаж буй асуудлыг шийдвэрлэх зорилготой бөгөөд зургаан заалт бүхий баримт бичиг юм. Гарын үсэг зурах арга хэмжээний үеэр БХБ-ын сайд Д.Цогтбаатар “Төрийн ажлыг хийх явцад маш олон зүйлд гарын үсэг зурж байна. Энэ бүхэн зүгээр л арга хэмжээ төдийхөн болоод өнгөрдөггүй байгаасай л хүсэж байна. өнөөдрийн биднийзурж байгаа баримт бичиг нь зүйл заалттай, хийх ажил нь тодорхой, буух эзэн, хариуцах хүнтэй тул цаасан дээр буусан бүхий л зүйлсийг ажил хэрэг болгож үр дүнг нь үзье. Үр дүнг нь харахын тулд бүгдээрээ хамтарч ажиллая. Гарын үсэг зурж байгаа та бүхэн ч шахаж шаардаад яваарай”  хэмээсэн юм.