Дэлхийн хамгийн нарийхан байшин

Дэлхийн хамгийн нарийхан байшин
        Хүн амьдарч болох хамгийн жижиг байшин ямар байдаг талаар уншигч та бүхэн сонирхож болох юм.  Art, Architecture & Design сэтгүүл өнгөрсөн жил  дэлхийн хамгийн нарийхан байшингаар Польшийн архитеторч  Жаков Сейзений /Jakub Szczesny/ бүтээсэн барилгыг нэрлэжээ. Насанд хүрсэн хүний нэг алдаас ч богино өргөнтэй энэ байшин ердөө 1,2 метр өргөн гэнэ. Харин уртын хэмжээ 4 метр аж. Хэдийгээр ийм жижиг талбайтай уг байшинд хүнд хэрэгцээтэй бүхий л зүйлийг багтааж чадсанаар төлөвлөлтийн гайхамшгийн нэгд тооцогдож байгаа юм. Түүнчлэн хамгийн нарийн байшин маань дотроо хоёр өрөөтэй бөгөөд өрөөг зэрэгцсэн байдлаарбус давхрын байдлаар шийдэж өгчээ. Өөрөөр хэлбэл байшинг гаднаас харахад хоёр давхар биш ч гэсэн дотроо хоёр давхар аж.
     Доод давхарт хоол хийж, усанд орж, ном уншиж болох бол дээд давхарт унтах зориулалттай. Энэхүү барилгадаа зураг төслийг гаргасан архитекторч өөрөө амьдардаг гэнэ. Уг барилгыг дэлхийд гайхуулан зарлах болсон өөр нэг шалтгаан бол уг барилгыг газар төлөвлөөгүй бөгөөд байшин хоорондын зайнд төлөвлөн барьсанаараа гайхалтай юм.
Анх энэ барилгын зургийг хараад газар “магнаг” болсон манай нийслэлд нэлээд хэдийг барьж болох ч юм шиг “дэггүй” бодол өөрийн эрхгүй төрж билээ. 







Холбоотой мэдээ